2 CORINTIOS 11 - Guarani Bible with DC

Pablo jare temimondo añetetembae vae reta

1Aipota pepɨaguasu vaerä cheve, chemiari ramboeve iyarakuaambae vae rami. ¡Pepɨaguasu cheve!

2Cherägüɨro peré, Tumpa jägüɨro rami. Echa pomee ma Cristo pe imenda ïrurä, poñono vaerä jóvai metei kuñatai ndeiño etei oasa kuimbae ndive vae rami.

3Ërei aipoɨu, güɨramoi jókuae mboi ipoki oporombotavɨ vaerä vae ombotavɨ EvaGn 3.1-5,13. rami, peyembotavɨuka jare pepia Cristo güi.

4Echa pemboresive yave ambuae Jesús re omoërakua vae, ore romoërakua vae güi; jaeramiño vi pemboresive ambuae espíritu, tenonde yave pemboresive ma vae güi; jökoraiño vi pemboresive ambuae ñee ikavi vae, tenonde ma pemboresive vae güi.

5Ërei che jókuae temimondo añetembae tuichagüe reta güi, mbaetɨ ko ayandu chemichi yae.

6Yepe tëi mbaetɨ chepoki chemiari vaerä, ërei aikuaa katu chemiari peve jese vae. Jare opaete royapogüe rupi roikuaauka peve jókuae.

7¿Cheyoa ra pekotɨ amoërakua peve yave ñee ikavi vae jepɨmbae añemomichi reve, pe peyembotuicha vaerä?

8Ïru oporogüɨrovia vae reta ko omboepɨ cheve ayeokuai vaerä peve.

9Jare aiko pépɨri ramboeve mbae oata cheve yave, mbaetɨ kia ave amoambeko mbae re. Echa yanderɨvɨ Macedonia güi yogüeru vae reta güeru cheve mbae oata cheve vae.Flp 4.15-18. Jare jökoraita aiko, agüɨye vaerä pomoambeko.

10Echa Cristo regua aikuaa añete vae jekuae chemiarita opaete Acaya rupi. Mbaetɨta kia ipuere chemokïrii.

11¿Maera pa körai jae? ¿Mbaetɨ ra poaɨu? ¡Tumpa oikuaa poaɨu ko!

12Ërei jekuaeñota ayapo, jókuae ayapo vae. Amokïrii vaerä jókuae oeka oyembotuicha vaerä vae reta.

13Jae reta temimondo jaanga retaño ko. Oporombotavɨ vae reta ko. Oyemonde reta Cristo jemimondo reta rami.

14Ërei agüɨye ñanepɨakañɨ kuae re, echa Satanás etei ipuere oyemonde Tumpa iaraɨgua rami.

15Jáeramo, mɨakañɨä ko Satanás jembiokuai reta oyemonde yave jupi vae iyapoa reta rami. Ërei jaɨkue rupi oiporara retata jembiapo reta oï rupi.

Temimondo Pablo oiporaragüe vae regua

16Jae ye vi peve: Agüɨye kia ave toyemongeta imbokere vae ko che. Ërei jökorai peyemongeta cheré yave, pemaeño tachemiari peve, che vi ayemboete vaerä michi pegua.

17Kuae jae vae, mbaetɨ ko jae yandeYa jei vae, jaeño ayembotuicha imbokere vae rami.

18¡Echa oime jeta oyemboete jae aeño vae, che vi tayembotuicha!

19Pearakuaa katu tëi reve, peropɨa imbokere vae reta.

20Echa peropɨa guasu peokuaiasɨ katu vae reta, omaepɨ̈ro pegüi vae reta, pembotavɨ vae reta, pereröɨro vae reta jare perovapete vae reta.

21Yepe tëi chemara jae vaerä, ¡ore reta mbaetɨ orepuere jökorai roiko!

Ërei ïru vae reta oipoɨuä oyemboete yave, che vi ayemboete aipoɨumbae reve yepe tëi mbokere.

22Jae reta hebreo, che jaeramiño vi. Jae Israel pegua reta, che jae vi ko. Jae reta Abraham iñemuña reta pegua, che jae vi ko.

23Jae reta Cristo jembiokuai (imbokere vae rami tae), che ayapɨraa reta. Mbaravɨkɨ pe, jeta yae ayapo chugüi reta. Ñenupa pe, jeta yae. Tembipɨɨrɨru pe, jeta yae vi.Hch 16.23. Jeta yae amano seri.

24Judío reta pandepo ye chenupa chikote pe;Dt 25.3. chenupa reta metei oata cuarenta oiporu reta vaerä cheré.

25Mboapɨ ye chenupa reta ɨvɨra pe.Hch 16.22. Metei vese cheapi reta ita pe.Hch 14.19. Mboapɨ ye aiporara barco ɨguasu pe okañɨ vae; metei pɨare jare metei ara oiko ɨguasu pe.

26Jeta yae aguata opaete kerupi; mbovɨ ye ɨ chereraja seri. Imonda vae reta chepïaro. Cherëtaɨgua reta chepïaro jare vi judiombae vae reta. Amano seri tëta guasu reta pe, ñuu rupi, ɨguasu rupi jare oporogüɨrovia raanga vae reta.

27Täta aparavɨkɨ aiporara reve. Jeta aiporara topeɨ, yɨmbɨaɨ ɨuve, iroɨ jare nandi.

28Jare jeta ïru mbaembae, oime chemboyemongeta yae vae ko jae opaete oporogüɨrovia vae reta.

29Kia imbaerasɨ yave, che vi aiporara. Kia oporombogüɨapiuka vae yave, che vi chearasɨ ikotɨ.

30Oime yave mbae re ayemboete vaerä, tayemboete jókuae chepɨ̈ratambae re.

31Tumpa, yandeYa Jesucristo Tu, imboetea avei vae oikuaa mbae jae vae añete ko.

32Damasco pe aï yave, mburuvicha guasu Aretas jee vae jembiokuai oipota tëi chepɨɨ. Jáeramo oyókuai sundaro reta oäro vaerä opaete tëta guasu jöke reta;

33ërei chembogüeyɨ reta metei kanata pe tëta guasu Damasco ikësea iventana rupi. Jare jökorai aasayepe chugüi reta.