2 REYES 1 - Guarani Bible with DC

Ocozías imano

1Acab pegua iñee jerajaa reta, jare ere chupe reta: ¿Mbaetɨ pa Israel pe Tumpa, peo vaerä peparandu Baal-zebub tumpa Ecrón pegua pe?

4Jáeramo körai jei yandeYa: ‘Ngaraa ma repüa jókuae nderupa güi, remanota.’ ”

Elías ojo, jare oyapo jókuae araɨgua oyókuai vae.

5Ñee jerajaa reta opa ye oyerova mburuvicha guasu oïa pe yave, mburuvicha guasu oparandu chupe reta:

—¿Maera pa peyerova ye?

6Jae reta jei:

—Metei kuimbae orerövaiti jare jei oreve: Peyerova ye jókuae mburuvicha guasu pembou vae kotɨ, jare pere chupe: “Körai jei yandeYa: ¿Mbaetɨ pa Israel pe Tumpa, nde remondo vaerä reparandu Baal-zebub tumpa Ecrón pegua pe? Ngaraa ma repüa jókuae nderupa güi, remanota.”

7Jare mburuvicha guasu oparandu chupe reta:

—¿Kërai pa jókuae kuimbae oë perövaiti vae, kuae ñee reta jei peve vae?

8Jare jae reta jei chupe:

—Metei kuimbae jemimonde camello jaagüe pegua, jare ikuakuaa guasupi pegua vae.

Jayave mburuvicha guasu jei:

—¡Elías Tisbe pegua ko!

9Jupivei omondo metei sundaro ruvicha, cincuenta sundaro ndive Elías kotɨ. Yogüɨraja oväe yave, Elías oguapɨ oï ɨvɨtɨ iyapɨte re. Jayave jókuae sundaro ruvicha jei chupe:

—¡Tumpa iñeemombeúa, mburuvicha guasu jei regüeyɨ vaerä joko güi!

10Elías jei:

—Tumpa iñeemombeúa ko che, toa ara güi tata, topa tanderapɨ jókuae cincuenta ndesundaro ndive.

Jupiveiño oa ara güi tata, jare opa oapɨ jókuae sundaro ruvicha, cincuenta isundaro ndive.

11Mburuvicha guasu jekuae omondo ye ïru sundaro ruvicha, cincuenta sundaro ndive, jare kuae ojo jei Elías pe:

—¡Tumpa iñeemombeúa, mburuvicha guasu jei regüeyɨ vaerä aramoete pegua!

12Elías jei chupe:

—Tumpa iñeemombeúa ko che, toa ara güi tata, topa tanderapɨ jókuae cincuenta ndesundaro ndive.

Jupiveiño oa ara güi tata, jare opa oapɨ jókuae sundaro ruvicha cincuenta isundaro ndive.

13Mburuvicha guasu jekuae omondo ye mboapɨa ma sundaro ruvicha, cincuenta sundaro ndive. Ërei jókuae sundaro ruvicha oyeupi ojo Elías oïa pe, jare oyetavatɨka jóvai, jare omoñera jei reve:

—Tumpa iñeemombeúa, romoñera neɨ̈ro vaerä cheve, jare kuae cincuenta chesundaro pe;

14echa tenonde yogüeru mókoi ma sundaro ruvicha, cincuenta isundaro reta ndive vae re oa ara güi tata jare opa oapɨ reta. Che romoñera cheparareko vaerä.

15Jayave yandeYa iaraɨgua jei Elías pe:

—Ekua jae ndive, agüɨye ekɨɨye chugüi.

Elías ogüeyɨ jare ojo jókuae sundaro ruvicha ndive mburuvicha guasu jóvai,

16jare jei chupe:

—Körai jei yandeYa: “Remondo ñee jerajaa reta oparandu vaerä Baal-zebub tumpa Ecrón pegua pe, ¿mbaetɨ pa Israel pe Tumpa, reparandu vaerä chupe? Kuae jeko pegua ngaraa ma repüa jókuae nderupa güi, echa remanota.”

17Jare Ocozías omano yandeYa jei Elías rupi rami. Ocozías mbaetɨ taɨ jeko pegua, tɨvɨ Joram oguapɨ jekovia pe mburuvicha guasurä. Kuae oasa mokoía año ma Joram, Josafat taɨ, oiko mburuvicha guasurä Judá pe yave.

18Ïru mbaembae Ocozías oyapogüe, oime oyekuatía oï tembikuatía pe, Israel pegua mburuvicha guasu reta regua oyekuatía oïa pe.