SALMOS 52 - Guarani Bible with DC

SALMO 52Jeko kavimbae iyembotuicha osirivembae

1¿Maera pa reyembotuicha ndereko kavimbae re,

nde imbaepuere yae vae?

¡Tumpa iporoaɨu opambae ko!

2Ikavimbae reño reyemongeta;

nekü kɨse jaimbe yae vae rami.

3Ikavimbae reipota yae ikavi vae güi,

apu reipota yae añete vae güi.

4Nde, ndeapu yae vae,

reaɨu yae ñee ikavimbae vae.

5Jáeramo, Tumpa ndemboaita jekuae avei pegua,

ndemboaita, nemoëta ndero güi,

oekɨta ndegüi nderekove.

6Jupi rupi yogüɨreko vae oechata kuae jare okɨɨye retata,

opuka retata jese, jei reve:

7“Mase, ko kuimbae mbaetɨ Tumpa re oyeko vae,

mbaeyekou jeta güɨnoi reño güɨrovia katu,

jare oiko jeko kavimbae peño.”

8Ërei che aï Tumpa jo pe olivo jokɨ katu rami,

Tumpa iporoparareko re ayeko avei jekuae avei pegua.

9Amboeteta jekuae avei rupi, echa jae ipɨakavi,

amoërakuata nderee, jupi vae reta jóvai,

echa ndeporoparareko ko.