1 CRÓNICAS 7 - Guarani Bible with DC

Isacar iñemuña reta

1Isacar taɨ reta irundɨ, jae: Tola, Fúa, Jasub jare Simrón.

2Tola taɨ reta jae: Uzi, Refaías, Jeriel, Jahmai, Jibsam jare Semuel, jae ko kuae reta tu Tola iñemuña reta juvicha. Kuae ñemuña reta güi David iara pe oyepapa veintidó mil seisciento kuimbae jëia yae vae reta.

3Uzi taɨ jae Israhías. Israhías taɨ reta jae: Micael, Obadías, Joel jare Isías. Opaete reve pandepo mburuvicha.

4Jeta yae kuae ñemuña reta, oupitɨ treinta y seis mil kuimbae ñeraro regua. Echa jeta yae jembireko jare imichia.

5Oyepapa yave opaete Isacar iñemuña reta tëtara ñavo oñemoapɨta oï vae güi oupitɨ ochenta y siete mil kuimbae, opaete kuae reta jëia ñeraro pegua vae.

Benjamín iñemuña reta

6Benjamín taɨ reta mboapɨ, jae: Bela, Bequer jare Jediael.

7Bela taɨ reta jae ko: Ezbón, Uzi, Uziel, Jerimot jare Iri, kuae pandepo reta tu iñemuña reta juvicha, jae ko jëia yae ñeraro pe vae reta. Opaete reve kuae ñemuña reta oupitɨ veintidó mil treinta y cuatro.

8Bequer taɨ reta jae: Zemira, Joás, Eliezer, Elioenai, Omri, Jerimot, Abías, Anatot jare Alamet. Opaete kuae reta jae Bequer taɨ,

9jare opaete oyepapa oï tëtara ñavo rupi vae, jae ko veinte mil dosciento kuimbae jëia vae reta.

10Jediael taɨ jae Bilhán. Bilhán taɨ reta jae: Jeús, Benjamín, Aod, Quenaana, Zetán, Tarsis jare Ahisahar.

11Opaete kuae reta ko jae Jediael iñemuña reta, mburuvicha reta jëtara ñavo pe vae, jëia yae ñeraro pe vae reta. Opaete reve oupitɨ diecisiete mil dosciento kuimbae.

12Hir taɨ reta jae Supim jare Hupim. Aher taɨ jae Husim.

Neftalí iñemuña reta

13Neftalí iñemuña reta jae: Jahzeel, Guni, Jezer jare Salum. Jae ko BilhaGn 30.7. iñemuña reta.

Manasés iñemuña reta

14Manasés taɨ reta jae Asriel jare Maquir Galaad tu; jae ko jembireko kuña Siriaɨgua güɨrekoiño vae imembɨ chupe vae.

15Maquir omenda Maaca ndive, jae ko Hupim jare Supim iñemuña pegua. Jare Maquir iñemuña jae Zelofehad jare Zelofehad jaeño tayɨ reta.

16Maaca, Maquir jembireko imembɨ chupe jare ombojee Peres. Peres tɨvɨ jee Seres. Seres taɨ reta jae Ulam jare Requem.

17Ulam taɨ jae Bedán. Jae ko kuae reta Galaad taɨ reta, Galaad jae ko Maquir taɨ, Maquir jae Manasés taɨ.

18Jare Maquir jeindɨ Hamolequet imembɨ reta jae: Isod, Abiezer jare Mahala.

19Semida taɨ reta jae: Ahián, Siquem, Likhi jare Aniam.

Efraín iñemuña reta

20-21Efraín taɨ reta jae: Sutela, Sutela taɨ jae Bered, Bered taɨ jae Tahat, Tahat taɨ jae Elada, Elada taɨ jae Tahat, Tahat taɨ jae Zabad, Zabad taɨ jae Sutela. Ërei Efraín taɨ reta Ezer jare Elad, Gat pegua reta opa oyuka, echa yogüeru opɨ̈ro jɨmba reta chugüi.

22Tu Efraín ipɨatɨtɨ jese ɨma ara rupi, jare yogüeru jëtara reta ombopɨakatu vaerä.

23Jaɨkue rupi jae güɨroke jembireko jare ipurúa, oa imembɨ jare ombojee Bería, echa mbɨatɨtɨ rupi oiko jo pe.

24Seera, Bería tayɨ, omopüa tëta Bet-horón ɨ́vɨkotɨ, jare ɨvate kotɨ, jare vi Uzen-seera.

25-27Bería taɨ jae Refa, Refa taɨ jae Resef, Resef taɨ jae Telah, Telah taɨ jae Tahán, Tahán taɨ jae Laadán, Laadán taɨ jae Amiud, Amiud taɨ jae Elisama, Elisama taɨ jae Nun, Nun taɨ jae Josué.

28Iɨvɨ jare tëta yogüɨreko pɨpe vae jae Bet-el jare iyɨvɨrigua tëta raɨ reta; kuaraɨ oëa kotɨ Naarán, kuaraɨ oikea kotɨ Gezer jare iyɨvɨrigua tëta raɨ reta, jare Siquem güive Gaza pe iyɨvɨrigua tëta raɨ reta reve reve.

29Manasés iñemuña reta ipo pe opɨta tëta Bet-seán, Taanac, Meguido jare Dor, iyɨvɨrigua tëta raɨ reta ndive ndive. Jókuae tëta reta rupi yogüɨreko José, Israel taɨ iñemuña reta.

Aser iñemuña reta

30Aser taɨ reta jae: Imna, Isúa, Isúi, Bería, jare jeindɨ Sera.

31Bería taɨ reta jae: Heber jare Malquiel, Birzavit tu.

32Heber taɨ reta jae: Jaflet, Semer, Hotam jare Súa jae reta jeindɨ.

33Jaflet taɨ reta jae: Pasac, Bimhal jare Asvat.

34Semer taɨ reta jae: Ahí, Rohga, Jehúba jare Aram.

35Helem taɨ reta jae: Zofa, Imna, Seles jare Amal.

36Zofa taɨ reta jae: Súa, Harnefer, Súal, Beri, Imra,

37Beser, Hod, Sama, Silsa, Itrán jare Beera.

38Jeter taɨ reta jae: Jefone, Pispa jare Ara.

39Ula taɨ reta jae: Ara, Haniel jare Rezia.

40Opaete kuae reta jae ko Aser iñemuña reta. Jëtara reta juvicha jare sundaro jëia vae reta, jërakua yae. Oyepapa tëtara ñavo rupi vae oupitɨ veintisei mil kuimbae, ñeraro regua.