1Bildad Súa pegua jei Job pe:
2¿Kërai yave pa nemiari poita?
Eyemongeta kavi räri, javoi ñanemiari.
3¿Maera pa remae oreré mɨmba re rami,
jare iyarakuaambae rami?
4¿Rerovia pa ndearasɨ yae reve reñekari vae rupi,
opɨtata ipombae ɨvɨ
jare ɨ̈vavira osɨrɨ jenda güi?
5Añete, iyoa vae reta iara opata,
tata opa ogüe vae ramita ko.
6Tembipe okañɨta jo pe,
imechero ogüeta chugüi.
7Ipɨ̈roata oguata vae, opata chugüi,
iyemongeta kavimbae pe aeño oata.
8Echa ñuai oñeñonota japerä pe,
jare jókuae ñuai pe oyepɨɨukata.
9Ipɨñúa rupi oipɨɨta ñuai,
jare mbaetɨta oyera chugüi.
10Ñuai iïcha oñeomi oï ɨvɨ pe,
metei ñuai oäro tape pe.
11Oipota rupi güi omongɨɨye vae,
ombotekuaraita oipota rupi.
12Yɨmbɨaɨ ombopɨtuta,
jare iyɨpɨ pe oïndaivi oï susere.
13Mbaerasɨ jouta ipire,
takuasɨ opata jete omojëogüe.
14Oyerovia jese vae oñerenoeta jo güi,
jare oyererajaukata mano jóvai.
15Jogüe oikota, kia oiko pɨpe vaerä,
azufre oñemoaita jogüe pe.
16Ɨvɨ kotɨ japo reta otinita,
jare ɨvate jäka reta yɨpita.
17Iñakañɨta chugüi ɨvɨ pegua reta,
mbaetɨta jee oyeendu kaye rupi.
18Tembipe güi oyemomboukata pɨtumimbi pe,
oyemomboukata kuae ɨvɨ güi.
19Tëta pe mbaetɨta taɨ ani jɨmɨmino yepe,
ani kia opɨta jekovia pe jo pe.
20Kuaraɨ oikea kotɨgua reta jare kuaraɨ oëa kotɨgua reta
oikuaa isusere yave, okɨɨye yaeta.
21Körai ko iyoa vae reta iyapɨ,
güɨröɨro iyeugüi Tumpa vae reta.
Who We AreWhat We EelieveWhat We Do
2025 by iamachristian.org,Inc All rights reserved.
