1Tumpa oï imbaepuere vae reta ipɨte pe,
omombeu vaerä ikotɨ reta mbae oikota vae:
2“¿Kërai yave regua pa mbaetɨta peporojäa kavi,
jare peepɨ iyoa vae reta?
3¡Peyapo jupi vae ipuerembae pe jare tɨ̈reɨ pe!
¡Peyapo jupi vae ipɨatɨtɨ vae pe,
jare mbae re oata vae pe!
4¡Peroasayepe ipɨatɨtɨ vae jare mbae re oata vae,
peroasayepe iyoa vae reta ipo güi!
5Ërei ngatu pe reta mbaetɨ peikuaa;
peiko pɨtumimbi pe rami.
Okana opaete ɨvɨ iguapɨka reta.
6Che jae: Pe reta ko jae tumpa reta,
opaete pe reta, Tuichagüe yae ete vae taɨ reta.
7Ërei ngatu pemanota oipotagüe kuimbae omano rami,
¡oipotagüe mburuvicha oa ramiño vi peata!”
8¡CheRu Tumpa, epüa ejäa ɨvɨ,
echa nde ko jae opaete tëtaguasu iya!
Who We AreWhat We EelieveWhat We Do
2025 by iamachristian.org,Inc All rights reserved.
