1YandeYa jei cheve: “Ekua egua ndeyeupe metei kuakuaa tïiasɨ vae lino pegua jare eñono ndekúa re, ërei agüɨye emoäkɨ ɨ pe.”
2Javoi che agua kuakuaa, yandeYa cheokuai rami jare añono chekúa re.
3Jayave yandeYa jei ye cheve:
4“Jókuae kuakuaa reguagüe ndekúa re renoi vae, eraja ɨ̈aka Éufrates pe jare eñomi joko pe metei ɨ̈vavira oyeka vae ipäu pe.”
5Javoi aja ɨ̈aka Éufrates pe, añomi añono kuakuaa yandeYa cheokuai rami.
6Ɨma pe yandeYa jei ye cheve: “Ekua ɨ̈aka Éufrates güi eru jókuae kuakuaa royókuai reñomi joko pe vae.”
7Jayave che aja ɨ̈aka Éufrates pe, ayoo jare anoe jókuae kuakuaa, ërei jókuae kuakuaa ichuumbi, mbaetɨ ma ikavi.
8Jayave yandeYa jei ye cheve:
9“Jökorai etei ambochuumbita Judá jare Jerusalén ipɨapochɨ.
10Kuae tëta jeko kavimbae vae, ñäteɨ cheporookuai oyapo vae, ipɨa jemimbotaño ombotenonde vae. Omboete jare oyeokuai tumpa ambuae reta pe. Jae ko, jókuae kuakuaa mbaetɨ etei ma ikavi rami.
11Kia omoata ikuakuaa iyé vae rami, opaete vae Israel pegua jare Judá pegua amboatɨ tëi cheyé, yogüɨreko vaerä chembaerä, jërakua vaerä cheree jare cheyemboetea. Ërei mbaetɨ oyapo reta che jae vae. Che ndeYa jae kuae.
Tinaa reta tɨnɨe vae re oyembojaanga vae12Ere vi Israel iñemuña reta pe: ‘YandeYa, Israel iTumpa jei körai: Opaete tinaa ipuere tɨnɨe vino pe.’ Jae reta jeita ndeve: ‘¿Ore mbaetɨ pa roikuaa opaete tinaa ipuere ko tɨnɨe vae?’
13Javoi nde ere chupe reta: ‘YandeYa jei: Ambosavaɨpota opaete kuae ɨvɨ pe yogüɨreko vae, mburuvicha guasu reta David jëtara, jae iporookuaía pe oguapɨ vae, sacerdote reta, ñeemombeúa reta jare opaete Jerusalén pe yogüɨreko vae.
14Javoi ayokata tinaa rami, arokuata oyoe, tu reta taɨ reta ndive. Amokañɨteita, mbaetɨta aiparareko amae jese reta. Che ndeYa jae kuae.’ ”
Yeandu Israel peguarä15¡Israel iñemuña reta, peyeapɨsaka kavi.
Agüɨye pepɨayemboete, yandeYa ko imiari!
16Pemboete peYa Tumpa,
ndei jae ombou mbove pɨtumimbi vae,
jare ndei pepɨ̈sa-yeyuka mbove
ɨvɨtɨ reta rupi;
peäro tëi tembipe,
ërei jae oipoepɨ pɨtumimbiasɨ pe peve,
ñamano rape katu vae pe.
17Ërei mbaetɨ yave peendu kuae,
ayaeo vɨarita pepɨapochɨ jeko pegua;
cheresaɨ osɨrɨta,
echa cheYa imbae vae reta opa oyererajauka tembipɨɨrä.
Tumpa Iñee mburuvicha guasu peguarä18“Ere mburuvicha guasu pe jare ichɨ pe:
‘Pegüeyɨ tenda mborookuaía pegua güi,
jare peguapɨ ɨvɨ pe,
echa peäka-regua oa pegüi.’
19Tëta guasu reta Neguev pegua
opa oñeova ñogüɨnoi;
mbaetɨ kia ipuere oë.
Opaete Judá pegua opa oyereraja,
tembipɨɨrä opa oyereraja.
20Pemopüa peäka jare pemae
kërai yogüeru tovaicho ɨvɨtuguasu kotɨ güi.
¿Ketɨ pa oime oñemee ndeve reyangareko vaerä jese vae,
nderembiangareko tëta ikavi yae vae?
Israel oyererajata iɨvɨ güi vae regua21¿Mbae pa rereta, Jerusalén,
jókuae nderemimboe reta renoi nderuvicharä yave?
¿Ngaraa ra jasɨ ndeve,
kuña imembɨrasɨ vae pe jasɨ yae rami?
22Rere yave ndepɨa pe: ‘¿Maera ra körai aiko?’
Ndeyoa yae jeko pegua ko körai reiko;
¡jáeramo nemonandi reta jare oyuvanga reta nderé!
23¿Ñaguanau ipuere pa ipireyu?
¿Yaguapara ipuere pa oyeekɨ ipïra?
Jökorai ko peyepokuaa ikavimbae pe,
ngaraai pepuere peyapo ikavi vae.
24Jáeramo che opata pomoai moai,
ɨvɨtu opa kapii javiyugüe
güɨroveve ñuu pe rami.
25Jae ko kuae oikota nde ndive vae Israel,
amboepɨukata ndeve reyapogüe.
Che ndeYa jae.
Echa neakañɨ chegüi jare remboete tumpa-raanga reta.
26Che opaeteita vi romonandi,
romomaraiuka yaeta.
27Aecha ko ndepɨa mbokere, aguasa reyapogüe,
ndereko mbokere reyeapo vae,
ɨvɨtɨ jare kaa rupi pɨ̈chɨi yae reyapogüe.
¡Ndeparavete, Jerusalén!
¿Kërai yave pa reyetɨota cheróvai?
¿Kërai yave regua ra ndekɨata reiko?”
Who We AreWhat We EelieveWhat We Do
2025 by iamachristian.org,Inc All rights reserved.
