1Jökorai opa oyeapo ara, ɨvɨ, jare opaete ipo reta.
2Tumpa opa omboapɨ jembiapo reta; jare oputuuKuimbae kó pe ɨvɨ Edén pe
4Körai oyemboɨpɨ arakae ara jare ɨvɨ, yandeYa Tumpa oyapo ramo yave opaete kuaekuae reta.
5Opaete ñana ndeiño vɨteri oë ɨvɨ güi, jare opaete temitɨ ndeiño vɨteri jeñɨi. Echa yandeYa Tumpa ndeiño ombou ama ɨvɨ re, ndeiño vi oime kuimbae omaetɨ vaerä.
6Ërei ngatu ɨvɨ güi oë ɨsapɨirä, kuae omoäkɨ opaete ɨvɨ.
7Jayave yandeYa Tumpa oyapo kuimbae ɨvɨkúi güi, jare oipeyu iñäpɨgua pe tekove. Jökorai omboɨpɨ oikove kuimbae.
8Jare yandeYa Tumpa oñono kó Edén pe, kuaraɨ oëa kotɨ; joko pe oñono jókuae kuimbae oyapogüe.
9Jare yandeYa Tumpa ombokuakuaauka ɨvɨ güi opaete ɨvɨra ia ikavi yae oyekuaa jare ikavi yae oyeu vaerä vae. Jaeramiño vi oñono kó mbɨte pe ɨvɨra tekove pegua.
18Jayave yandeYa Tumpa jei: “Mbaetɨ ikavi kuimbae oiko vaerä jaeño; tayapo chupe imborɨarä.”
19YandeYa Tumpa güeru Adán pe opaete ɨvɨ güi oyapogüe, opaete mbaemɨmba ñana rupigua, jare opaete güɨra reta, ipuere vaerä omae jese jare kërai ombojee. Jare opaete oikove vae reta Adán ombojee vae, jökorai ko jee.
20Adán ombojee opaete mbaemɨmba jare güɨra reta, jare opaete mɨmba reta ñana rupigua; ërei Adán peguarä mbaetɨ oñeväe imborɨarä.
21Jayave yandeYa Tumpa omonge täta Adán, jare oke ramboeve oekɨ chugüi metei iñäruka, jare oyokenda ye isoo iñäruka jendagüe.
22Jare yandeYa Tumpa oyapo metei kuña jókuae kuimbae iñärukagüe güi, jare güeru omee kuimbae pe.
23Jayave Adán jei:
“¡Kuae ko jae chekägüe ïru jare chesoo ïru! Jeeta ‘kuña’, echa kuimbae güi ko oyeapo.”
24Jáeramo, kuimbae oeya tu jare ichɨ, oyogüɨreko vaerä jembireko ndive, jare oyogüɨreko metei ramiño.
25Jare Adán jembireko ndive inandi yogüɨreko, ërei mbaetɨ imara reta.
Who We AreWhat We EelieveWhat We Do
2025 by iamachristian.org,Inc All rights reserved.
