JOSUÉ 13 - Guarani Bible with DC

Ɨvɨ ndeiño oñepɨ̈ro vae

1Josué indechi yae ma yave, yandeYa jei chupe: “Nde nendechi yae ma, jare jeta vɨteri oata ɨvɨ oñepɨ̈ro vaerä.

2Kuae ko jae ɨvɨ opɨtagüe: Opaete ɨvɨ filisteo reta imbae, jare opaete ɨvɨ Gesur iñemuña reta imbae,

3Sihor, Egipto güi kuaraɨ oëa kotɨ oï vae güive Ecrón jembeɨ kotɨ ɨvɨtuguasu kotɨ, cananeo reta oyemombae jese vae; joko pe oime pandepo filisteo juvicha reta ñogüɨnoia, jae ko Gaza, Asdod, Ascalón, Gat jare Ecrón. Opɨta vi aveo reta iɨvɨ,

4arayevɨ kotɨ, jare opaete ɨvɨ cananeo reta imbae, Mehara, Sidón pegua reta jëta guasu güive Afec kotɨ, amorreo reta iɨvɨ jembeɨ pe.

5Opɨta vi Gebal-ɨgua reta iɨvɨ, jare opaete Líbano kuaraɨ oëa kotɨ, Baal-gad güive, ɨvɨtɨ Hermón igüɨ pe, Hamat oyemboɨpɨa kotɨ.

6Opaete ɨvɨtɨ guasu rupi jëta vae reta, Líbano güive Misrefot-maim

15Moisés omee ɨvɨ Rubén iñemuña reta pe, jëtara ñavo rupi.

16Jayave Rubén iñemuña reta iɨvɨ oyemboɨpɨ Aroer, ɨ̈aka Arnón jembeɨ pe oï vae güive, jare tëta guasu ɨvɨtɨ päu mbɨte pe oï vae jare opaete ɨvɨpe kavi Medeba kotɨ;

17Hesbón, jare opaete iyɨvɨrigua tëta ɨvɨpe kavi rupi ñogüɨnoi vae ndive, jae ko: Dibón, Bamot-baal, Bet-baal-meón,

18Jahaza, Cademot, Mefaat,

19Quiriataim, Sibma, Zaret-sahar, ɨvɨtɨ päu ipe kavi vae iɨvɨtɨ re,

20Bet-peor, ɨvɨtɨ guasu Pisga ikúa, Bet-jesimot,

21opaete tëta guasu reta ɨvɨpe kavi rupigua jare opaete Sehón, amorreo reta juvicha guasu imbae, Hesbón pe mburuvicha guasurä oiko vae. Echa Moisés opa omoamɨri Sehón jare mburuvicha reta, jare jeia re yogüɨreko vae reta Madián pegua: Evi, Requem, Zur, Hur jare Reba.

22Israel iñemuña reta oyuka vi jeta vae reta ndive Balaam, Beor taɨ, maratuta vae imombeúa.

23Ɨaka Jordán jae ko Rubén iñemuña reta iɨvɨ jembeɨ. Kuae jae ko Rubén iñemuña reta pe ɨvɨ oyemboyao vae, jëtara reta ñavo rupi, kuae tëta guasu reta, tëta raɨ reta ndive ndive.

24Moisés omboyao vi ɨvɨ Gad iñemuña reta pe jëtara ñavo rupi.

25Gad iñemuña reta iɨvɨ jae ko Jazer, jare opaete tëta guasu reta Galaad pegua, Amón iñemuña reta iɨvɨ mbɨte güive tëta Aroer kotɨ, Rabá jóvai oï vae pe,

26jare Hesbón güive Ramat-mizpa kotɨ, jare Betonim; jare Mahanaim güive Debir jembeɨ kotɨ;

27jare ɨvɨtɨ päu pe: Bet-aram, Bet-nimra, Sucot jare Zafón, opaete Sehón, mburuvicha guasu Hesbón pegua imbae jembɨregüe. Jayave Gad iñemuña reta iɨvɨ oyemboɨpɨ ɨ̈aka Jordán jovaicho kuaraɨ oëa kotɨgua güive ojoi oväe Ɨguasu Cineret pe.

28Kuae ko jae Gad iñemuña reta imbaerä ɨvɨ oyemboyao vae, jëtara ñavo rupi, kuae tëta guasu reta, tëta raɨ reta ndive ndive.

29Moisés omboyao vi ɨvɨ Manasés iñemuña reta oyemboyaogüe pe, jëtara ñavo rupi.

30Manasés iñemuña reta oyemboyaogüe iɨvɨ, jae ko Mahanaim güive opaete Basán, opaete Og mburuvicha guasu Basán pegua imbae, jare opaete tëta raɨ reta Jair imbae Basán pe ñogüɨnoi vae, opareve sesenta tëta,

31jare Galaad mbɨte rupi, jare tëta guasu Astarot jare Edrei, tëta guasu reta Basán pegua Og imbae. Opaete kuae ɨvɨ jae ko Manasés taɨ, Maquir iñemuña reta oyemboyaogüe peguarä, jëtara ñavo rupi.

32Kuae ko jae ɨvɨ Moisés omboyao ɨvɨpe kavi oï Moab pe vae, ɨ̈aka Jordán güi kuaraɨ oëa kotɨ, Jericó jóvai.

33Ërei Moisés mbaetɨ omee ɨvɨ Leví iñemuña reta imbaerä, echa jei chupe reta: “YandeYa, Israel iTumpa jae ko pembaeyekou rami.”