ESDRAS 4 - Guarani Bible with DC

Tovaicho reta oyopia tupao oñemopüa ye vae

1Judá jare Benjamín iñemuña jovaicho reta oendu yave oyerova ye iɨvɨ pe vae reta, omboɨpɨ ye omopüa tupao guasu yandeYa, Israel iTumpa imbae,

2yogüeru Zorobabel pɨri jare metei tëtara vae reta itenondegua reta pɨri, jare jei reta chupe reta:

—Topomborɨ ñamopüa o pe reta ndive, echa pe reta rami vi ko royeokuai peTumpa pe, jare chupe romee mɨmba oyeyukagüe, Esar-hadón mburuvicha guasu Asiria pegua oiko güive mburuvicharä, jae orembou kuae pe roiko vaerä vae.

3Ërei Zorobabel, Jesúa jare metei ñemuña itenondegua reta Israel pe vae, jei reta chupe reta:

—Mbaetɨ orepuere romopüa oreTumpa jo pe reta ndive, oreño romopüata oreYa, Israel iTumpa jo, oreokuai orembou Ciro mburuvicha guasu Persia pegua rami.

4Ërei jókuae ɨvɨ pegua kuimbae reta omboɨpɨ omongɨɨye Judá iñemuña reta, jare omoäteɨ reta agüɨye vaerä omopüa reta o.

5Omboepɨ vɨari reta vi amogüe mburuvicha reta pe ikotɨ reta, güɨrokomegua vaerä chugüi reta ikɨ̈reɨ tëi oyapo reta vae, jökorai oyapo reta opaete ara Ciro oiko ramboeve mburuvicha guasurä Persia pe, oguapɨ regua Darío mburuvicha guasurä Persia pe.

Tovaicho reta oyopia tëta guasu ikësea iñemopüa

6Asuero

7Jaeramiño vi ArtajerjesNeh 1.1. oiko mburuvicha guasurä Persia pe yave, oikuatía reta chupe Bislam, Mitrídates, Tabeel jare iñeïru reta; jare jókuae tupapire oyekuatía ñee arameo pe.

8Mburuvicha Rehum jare ombaekuatía vae Simsai, oikuatía reta jókuae tupapire Jerusalén regua mburuvicha guasu Artajerjes pe.

9Jókuae ara oikuatía reta mburuvicha Rehum jare ombaekuatía vae Simsai, jare iñeïru mburuvicha oporojäa vae reta, tëta ruvicha reta, sundaro ruvicha reta jare mburuvicha Persiaɨgua reta, Erec pegua reta, Babilonia pegua reta, Susa pegua reta, kuae reta ko jae Elam pegua reta.

10Jare ïru ɨvɨ pegua reta, tuicha jare jërakua yae vae Asnapar güeru jare omee yogüɨreko vaerä tëta guasu reta Samaria pegua pe vae reta, jare ɨ̈aka Éufrates jovaicho rupigua reta.

11Jae kuae tupapire oyemondo vae ïru:

“Mburuvicha guasu Artajerjes, ore nderembiokuai reta ɨ̈aka jovaicho pe roiko vae romondo tamaraeme ndeve:

12‘Mburuvicha guasu, roikuaauka ndeve kërai judío reta joko güi yogüeru orekotɨ vae, yogüeru Jerusalén pe, jare omopüa ye ñogüɨnoi kuae tëta guasu ipɨapochɨ jare jeko kavimbae reta. Omopüa reta ma ñogüɨnoi tëta guasu ikësea, oñono kavi reta ma iguapɨkarä.

13Mburuvicha guasu, roikuaauka voi ndeve kuae tëta guasu oñemopüa ye yave jare ikësea opa ye oñeñono kavi yave, ngaraa ma omboepɨ reta mburuvicha guasu peguarä oyekovara vae, jare oatata korepoti mburuvicha guasu ikorepoti jɨru pe.

14Ore reta jese roiko vae mbaetɨta romaeño mburuvicha guasu jökorai oyeapouka, kuae jeko pegua romondo roikuaauka ndeve,

15reeka vaerä neñemuñagüe reta jembikuatía reta pe. Jare reväeta kërai kuae tëta guasu ipɨapochɨ jare jeko kavimbae reta mburuvicha guasu reta kotɨ, jare tëta iyɨvɨrigua reta kotɨ, jare iyɨpɨ güive kuae tëta ipɨapochɨ, kuae jeko pegua opa oyemboai.

16Kuae roikuaauka ndeve mburuvicha guasu, kuae tëta oñemopüa ye yave, jare ikësea opa ye oyeapo kavi yave, jókuae ɨ̈aka Éufrates jovaicho pe yogüɨreko vae reta ngaraa ma oiko ndembaerä.’ ”

17Jayave mburuvicha guasu Artajerjes omboyevɨ jókuae tupapire pe jei vae körai:

“Mburuvicha Rehum jare ombaekuatía vae Simsai, jare opaete peïru reta Samaria pe peiko vae, jare ɨ̈aka Éufrates jovaicho pe peiko vae: ‘Pepɨakatuño.’

18‘Jókuae tupapire pembou oreve vae omongeta kavi yae reta cheróvai,

19jare che amee mborookuai oyeeka vaerä jókuae regua, jare oväe reta chupe kërai arakae güive jókuae tëta guasu oñemopüa mburuvicha reta re, jare mbaetɨ oyapo reta mburuvicha iporookuai, oñemopüa avei reta joko pe.

20Jare Jerusalén pe yogüɨrekose yepi mburuvicha guasu imbaepuere yae vae reta, iporookuaía reta oupitɨ yepi ɨ̈aka Éufrates jovaicho rupi, jare omboepɨuka yepi chupe reta opaete mbaembae regua.

21Añave eyopia mbaravɨkɨ jókuae kuimbae reta güi, jare agüɨye toñemopüa ye jókuae tëta guasu, che jae ye regua chupe reta.

22Peyeandu jare pemae kavi kuae re, agüɨye vaerä okuakuaa mbae ikavimbae mburuvicha guasu kotɨ jare iɨvɨ pegua mburuvicha reta kotɨ.’ ”

23Jare opa yave mburuvicha guasu Artajerjes tupapire ombou vae oyemongeta Rehum jare ombaekuatía vae Simsai, jare iñeïru reta jóvai, yogüɨraja jarembae voi Jerusalén pe judío reta oïa pe, jare iyarasɨ yae reve omombɨta reta iparavɨkɨ güi.

Mburuvicha guasu Darío omaeño opa vaerä oyeapo tupao

24Jökorai mbaravɨkɨ opɨta Tumpa jo oñemopüa ye oï Jerusalén pe vae, mokoía año ma Darío mburuvicha guasu Persia pegua oï mburuvicha guasurä yave regua.