JOSUÉ 22 - Guarani Bible with DC

Rubén, Gad jare Manasés iñemuña reta oyemboyaogüe oyerova ye

1Jayave Josué omboatɨ Rubén jare Gad ñemuña reta jare Manasés iñemuña reta oyemboyaogüe,

2jare jei chupe reta: “Pe reta peyapo opaete peokuai Moisés yandeYa jembiokuai vae, jare peyapo opaete che poyókuai vae.

3Mbaetɨ pemombo perëtara reta kuae ɨma año oasa vae rupi añave regua, jare peyapo jupi rupi kavi yandeYa Tumpa iporookuai reta.

4Añave, yandeYa Tumpa omee perëtara reta pe yogüɨreko pɨagüive vaerä, jae güɨrökuavee rami, peyerova ye peteyupa pe, peɨvɨ ae kotɨ, Moisés, yandeYa jembiokuai omee peve ɨ̈aka Jordán jovaicho kotɨ vae pe.

21Jayave Rubén jare Gad iñemuña reta jare Manasés iñemuña reta oyemboyaogüe jei Israel iñemuña juvicha reta pe:

22—YandeYa Tumpa, opaete tumpa reta güi imbaepuere vae oikuaa mbaetɨ ko royapo orepɨapochɨ güi vae ani rosɨrɨ vaerä chugüi. Jae oikuaa jare toikuaauka peve opaete; agüɨye tiñɨ̈ro oreve mbaetɨ ko jaekavi royapo yave.

23Kuae mɨmba oyeyuka oyeapɨ jese vae romopüa oreyeupe vae royapo yave rosɨrɨ vaerä yandeYa güi ani romee vaerä jese mɨmba oyeyukagüe opaetei oyeapɨ vae, ani mbota temitɨ jäɨgüe romee jese vaerä ani romee vaerä jese mbota mbɨakatu pegua; jökorai ko yave yandeYa etei toikuaa mbae oyapo vaerä oreve.

24Kuae royapo ko agüɨye vaerä metei ara peraɨ reta jei oreraɨ reta pe: “¿Mbae pa peeka Israel iTumpa oïa pe?

25YandeYa oñono ɨvɨ jembeɨrä ɨ̈aka Jordán, roiko tee vaerä pegüi, pe Rubén jare Gad iñemuña reta jare Manasés iñemuña reta oyemboyaogüe; jayave, ¿mbae pa peeka Tumpa oïa pe?” Jökorai peraɨ reta oeyaukata oreraɨ reta pe mboromboete yandeYa kotɨ.

26Jáeramo royemongeta romopüa vaerä metei mɨmba oyeyuka oyeapɨ jese vae, mbaetɨ mɨmba oyeyukagüe opaetei oyeapɨ vae romee jese vaerä ani mɨmba oyeyukagüe romee jese vaerä.

27Jae ko yandemomaendúa vaerä jare ñaneñemuña reta peguarä, kërai ore orepuere romboete yandeYa, mɨmba oyeyukagüe opaetei oyeapɨ ndive, jare mɨmba oyeyukagüe mbɨakatu pegua ndive; agüɨye vaerä kuri peraɨ reta jei oreraɨ reta pe:

“¿Mbae pa peeka Tumpa oïa pe?”

28Echa ore royemongeta kia nunga vae jei yave oreve ani oreñemuña reta pe jei yave, orepuere roe chupe reta: “¡Mase! Ñaneñemuñagüe reta omopüa kuae mɨmba oyeyuka oyeapɨ jese vae iä yandeYa imbae rami vae, mbaetɨ ko omopüa reta mɨmba oyeyukagüe opaetei oyeapɨ jese vaerä, ani mɨmba oyeyukagüe oñemee jese vaerä, omopüa reta ko oime vaerä yemomaendúa peve jare oreve.”

29YandeYa agüɨye tomaeño orepɨapochɨ vaerä ikotɨ ani rosɨrɨ vaerä chugüi, royapo yave mɨmba oyeyuka oyeapɨ jese vae, romee vaerä mɨmba oyeyukagüe opaetei oyeapɨ vae, mbota temitɨ iagüe romee jese vaerä ani mbota oyeyukagüe romee vaerä jese, romopüa yave ïru mɨmba oyeyuka oyeapɨ jese vae yandeYa imbae o yemboatɨa jóvai oï vae güi.

30Sacerdote Finees jare opaete vae juvicha reta jare Israel iñemuña itenondegua reta jae ndive ñogüɨnoi vae reta oendu yave, Rubén jare Gad iñemuña reta, jare Manasés iñemuña reta oyemboyaogüe jei vae, ikavi yae chupe reta opaete jókuae jei reta vae.

31Jayave Finees sacerdote Eleazar taɨ jei chupe reta:

—Añave yaikuaa kavi ma yandeYa oï yande ndive vae, echa kuae peyapo vae mbaetɨ peyapo pepɨapochɨ yandeYa kotɨ jeko pegua. Jökorai añave orereroasayepe yandeYa iporonupa güi.

32Jare Finees sacerdote Eleazar taɨ jare mburuvicha reta oeya Rubén jare Gad iñemuña reta jare Manasés iñemuña reta oyemboyaogüe, jare opa ye oyerova ɨvɨ Galaad güi ɨvɨ Canaán pe, ïru ñemuña reta ñogüɨnoia pe. Jare imiari reta joko pe ñogüɨnoi vae reta pe, jëtara reta jeigüe.

33Ikavi yae kuae yemongeta chupe reta jare omboete reta Tumpa. Jare jókuae güire mbaetɨ ye oyemongeta yogüɨraja vaerä oñeraro Rubén jare Gad iñemuña reta ndive, ani omboai vaerä iɨvɨ chugüi reta.

34Rubén jare Gad iñemuña reta ombojee jókuae mɨmba oyeyuka oyeapɨ jese vae iä Ed, echa jei reta: “Kuae mɨmba oyeyuka oyeapɨ jese vae toiko yandeve yandemomaendúa vaerä yandeYa jae ko Tumpa vae.”