1Ezequías, catorce año ma oiko mburuvicha guasurä Judá pe yave, Senaquerib mburuvicha guasu Asiria pegua ou oporepeña opaete Judá pegua tëta guasu reta oñekëse kavi vae re, jare opa opɨ̈ro.
2Jare tëta Laquis güi mburuvicha guasu Asiria pegua ombou isundaro ruvicha Rabsaces jetagüe sundaro reta ndive, oporepeña vaerä Ezequías re, Jerusalén pe; oyembojeyupa reta ɨrɨru ɨvate kotɨgua kotɨ ɨ ou vae jape iyɨ́vɨri, Mbaeputuka renda kotɨ tape ojo vae rupi.
3Jare oë oövaiti Eliaquim, Hilcías taɨ, jae ko mburuvicha guasu imbaembae iyangarekoa; jare Sebna, jae ko ombaekuatía vae; jare mburuvicha Joa, Asaf taɨ.
4Jare Rabsaces jei chupe reta:
—Pemombeu Ezequías pe, mburuvicha guasu Asiria pegua jei vae: “¿Mbae re pa reñeväe jëguambae ko reï vae?
5¿Rerovia pa, jókuae ñee ikavi yae vae, oyovake mbaepuere ñeraro pegua ndive? ¿Kia re ye pa reyeko, reyembopɨapochɨ vaerä chekotɨ?
6Ko, aecha reyeko reï Egipto re. Egipto ko metei popoka tätambae rami, opë yave jaɨgüe2 R 18.21; Ez 29.6-7. yandepotuku rami. Jökorai ko Faraón, mburuvicha guasu Egipto pegua, opaete oyeko jese vae reta peguarä.
7Ërei rere yave cheve: OreYa Tumpa re ko royeko, ¿mbaetɨ yera Ezequías opa omboaiuka mɨmba oyeyuka oyeapɨ jese vae reta Tumpa imbae, jare jei Judá pegua reta pe, jare Jerusalén pegua reta pe, ombaemboete reta vaerä meteia peño vae?
8Romoñera añave, remomɨari vaerä ndeyeupe cheruvicha guasu Asiria pegua, jare che ameeta ndeve dos mil kavayu, nde ndepuereta remee opo vaerä jese vae reta yave.
9Nde ngaraa ndepuere reñeraro cheruvicha guasu isundaro ruvicha taɨkuegua ete ndive ave, ¡nde rerovia Egipto omeeta ko ndeve kavayu jare sundaro kavayu regua reta vae!
10¿Nde rerovia pa ayu ko aporepeña jare amboai kuae tëtaguasu Tumpa oikuaambae reve? ¡Jae ko chembou aporepeña jare opa vaerä amboai!”
11Jayave Eliaquim, Sebna jare Joa jei reta Rabsaces pe:
—Ore romoñera, nemiari vaerä oreve ñee arameo pe, ore roikuaa jókuae ñee, agüɨye nemiari oreve ñee Judá pegua pe, echa opaete vae kuae tëta guasu ikësea re ñogüɨnoi vae reta oendu ñogüɨnoi kuae.
12Ërei jókuae sundaro ruvicha jei:
—Cheruvicha guasu mbaetɨ ko chembou amombeu vaerä peruvicha guasu pe ani peveño, chembou ko amombeu vaerä opaete kuae tëta guasu ikësea re ñogüɨnoi vae reta pe, echa jou retata ko kuri ikuarugüe ani jepoti, pe reta rami.
13Jayave Rabsaces oyemboɨ jare osapúkai täta imiari Judáɨgua iñee hebreo pe, jei:
—Peyeapɨsaka, mburuvicha guasu Asiria pegua jei
14agüɨye vaerä peyembotavɨuka Ezequías pe, jae ngaraa ipuere pereepɨ.
15Echa oipota yave güɨroviauka peve jare jei yave: “YandeYa ko yandereepɨta, jae ngaraa omaeño oa kuae tëta mburuvicha guasu Asiria pegua ipo pe.”
16Agüɨye perovia Ezequías re. Mburuvicha guasu Asiria pegua chembou peyapo vaerä jae ndive mbɨakatu, peñemaeño, jayaveño pepuereta peu pɨagüive peuva ia, peɨva ia jare peu peɨ ae ae peɨrɨru güi.
17Ou regua pereraja metei ɨvɨ, kuae peɨvɨ rami vae pe, ɨvɨ kavi trigo peguarä jare uva peguarä vae pe, tembíu katúa pe.
18Ërei Ezequías jei yave peYa Tumpa pereepɨta ko, agüɨye peyembotavɨuka chupe. ¿Peecha pa ïru tumpa-raanga reta oepɨ jëtaguasu, mburuvicha guasu Asiria pegua ipo güi?
19¿Jama pa tëta guasu Hamat itumpa-raanga, ani tëta guasu Arfad itumpa-raanga? ¿Jama pa tëta guasu Sefarvaim itumpa-raanga reta? ¿Tumpa-raanga reta Samaria pegua, oepɨ vi pa mburuvicha guasu Asiria pegua ipo güi?
20¿Kia nunga tumpa-raanga reta pa oepɨ jëtaguasu, mburuvicha guasu Asiria pegua ipo güi? ¿Perovia pa peYa Tumpa oepɨta Jerusalén chepo güi?
21Ërei jae reta kïrii ngatu opɨta, mbaetɨ etei iñee omoë reta chupe, echa mburuvicha guasu yepe jei chupe reta, agüɨye etei vaerä mbae ave yepe jei reta.
22Jayave Eliaquim, Hilcías taɨ, jae ko mburuvicha guasu imbaembae iyangarekoa, jare Sebna, jae ko ombaekuatía vae jare Joa, Asaf taɨ, jae ko mburuvicha, omondoro reta jemimonde ipɨatɨtɨ güi, yogüɨraja Ezequías pɨri, jare omombeu reta Rabsaces iñee chupe.
Who We AreWhat We EelieveWhat We Do
2025 by iamachristian.org,Inc All rights reserved.
