1Agüɨye eyerovia ndembaeyekou re,
agüɨye: “Jeta anoi” ere.
2Agüɨye eyerovia ne pɨ̈rata re,
reo vaerä ndepɨapotaa rupi.
3Agüɨye: “Ngaraa kia ipuere cheré” ere,
echa Tumpa oekata ndeve reyapogüe.
4Agüɨye: “Chembaeyoa, jare mbaetɨ maratu aasa” ere,
jókuae ko Tumpa täta ipɨaguasu ramo ko.
5Agüɨye erovia nemoɨ̈ro re
jekuaekuae ndeyoa reiko vaerä.
6Agüɨye: “Tumpa täta ko iporoparareko;
yepe cheyoa, iñɨ̈rota ko cheve” ere.
Echa jae iporoparareko ko, ërei iyarasɨ vi,
jare iyarasɨ güi oinupata jeko kavimbae reta.
7Agüɨye eäro reyerova vaerä ikotɨ;
agüɨye eeyañoi pɨareve peguarä.
Echa neakañɨ yave, Tumpa iyarasɨta ko,
jare rekañɨteita jókuae ara ñenupa pe.
8Agüɨye eyerovia mbaeyekou jaekavi mbae re,
echa ngaraa mbaerä oë ndeve ñenupa iara pe.
Añetegüe opaete jóvai9Agüɨye tiringu emboveve oipotagüe ɨvɨtu pe,
jare agüɨye ekua ekuaiño.
10Eiko kavi ndeyemongeta rupi,
jare agüɨye metei ñeeño ere.
11Eïndaivi reyeapɨsaka vaerä,
ërei mboki rupi ere.
12Ndepuere yave, ere vi ïru reta pe,
ërei mbaetɨ yave, epɨta kïrii.
13Echa ñee ipuereta ikavi yayomboete vaerä jare yayemboete mbae vaerä.
¡Kuimbae imokañɨteia jae ko ikü!
14Ani ndeapu,
jare ani eyepopeyu nekü pe,
echa imonda vae peguarä oyeapo mara.
15Agüɨye eyapo metei ave pɨ̈chɨigüe, tuichagüe jare michigüe.
Who We AreWhat We EelieveWhat We Do
2025 by iamachristian.org,Inc All rights reserved.
