1Kia nunga vae pepɨte pe omboeko ïru vae mbae re yave, ¿maera pa oñeapo jese oporogüɨroviambae reta pe? ¿Maera pa mbaetɨ oñeapo jese oporogüɨrovia vae reta pe?
2¿Mbaetɨ pa peikuaa oporogüɨrovia vae reta ojäata ko ɨvɨ pegua reta vae? Jökoraita ko yave ¿maera pa mbaetɨ pepuere peñono kavi jókuae teko michi yae vae?,
3ani ¿mbaetɨ pa peikuaa yande ñajäata ko araɨgua reta vae? ¿Vɨtei pa kuae ɨvɨ pegua teko reta?
4Jáeramo oime yave kia omboeko ïru vae kuae ɨvɨ pegua teko re, ¿maera pa pemaeño oporojäa oporogüɨroviambae vae reta, oporogüɨrovia vae reta ipɨte pe mbaeä etei vae?
5Körai jae pomomaraiuka vaerä. ¿Mbaetɨ pa ko metei ave iyarakuaa katu vae pepɨte pe ñeapo oñono kavi vaerä peve?
6Echa oporogüɨrovia vae reta oñeapo oyoe yave, oñeapo oporogüɨroviambae vae reta pe.
7Echa jökorai peñeapo oyoe yave, tuicha ko peyavɨ. Agüɨye peñeapo oyoe, yepe tëi ïru vae oyapo ikavimbae vae peve ani pembotavɨ.
8Ërei pe etei peyapo ikavimbae vae jare pembotavɨ ïru oporogüɨrovia vae reta.
9¿Mbaetɨ pa peikuaa jupimbae vae reta ngaraa yogüɨreko Tumpa iporookuaía pe vae? Agüɨye peyavɨ. Aguasa oyapo vae reta, itumpa-raanga pota vae reta, menda re oyuvanga vae reta, kuimbae kuña jeko omomora vae reta, kuimbae oyoupii oyogüɨreko vae reta,
10imonda vae reta, imbaepotarai vae reta, isavaɨpose vae reta, iyuru pochɨ vae reta ani oporombotavɨ vae reta ngaraa yogüɨreko Tumpa iporookuaía pe.
11Jökorai ko pe reta yepi. Ërei peyetɨouka ma, peñeñono teeuka ma, peyembojupiuka ma yandeYa Jesús jee re jare yandeRu Tumpa iEspíritu rupi.
Perete rupi pemboete Tumpa12Chepuere ko ayapo opaete aipota vae, ërei mbaetɨ ko opaete jaekavi ayapo vaerä.1 Co 10.23. Chepuere ko ayapo opaete aipota vae, ërei ngaraa añemaeño metei pe ave.
13Tembíu yanderɨe peguarä ko, jare yanderɨe tembíu pegua ko. Ërei Tumpa omboaita ko mókoi reve. Ërei yanderete mbaetɨ ko aguasa peguarä jaeño ko oï yandeYa peguarä, jare yandeYa yanderete peguarä.
14Tumpa omoingove ye yandeYa vae, yandemoingove yeta vi ko imbaepuere pe.
15¿Mbaetɨ pa peikuaa perete jae ko Cristo jete? ¿Aekɨta pa Cristo jete güi amee iyaguasa pota vae pe? ¡Ngaraa ko!
16¿Mbaetɨ pa peikuaa kuimbae oasa metei kuña iyaguasa pota vae ndive vae, oyeapo ko metei jete jae ndive vae? Echa Tumpa jei körai: “Mókoi reve toyogüɨreko metei ramiño.”Gn 2.24.
17Ërei jókuae oñemoïru yandeYa ndive vae oyeapo ko metei ramiño yandeYa ndive.
18Petekuarai aguasa güi. Oipotagüe ïru mbaeyoa peyapo vae peyapoä ko perete pe. Ërei aguasa peyapo yave, perete kotɨ etei ko peyoa.
19¿Mbaetɨ pa peikuaa perete ko jae Espíritu Santo jo? Echa Tumpa ombou peve Espíritu Santo, jare jae oiko pepɨa pe.1 Co 3.16; 2 Co 6.16. Jáeramo perete pembaeä ma ko.
20Echa perete Tumpa oguagüe ko. Jáeramo pemboete Tumpa perete pe jare perekove pe. Echa mókoi reve Tumpa imbae ko.
Who We AreWhat We EelieveWhat We Do
2025 by iamachristian.org,Inc All rights reserved.
