ISAÍAS 65 - Guarani Bible with DC

Ipɨapochɨ vae reta oiporara

1“Mbaetɨse oparandu cheré vae reta chereeka;

mbaetɨse chereeka vae reta cheväe.

Kuimbae reta mbaetɨse omboete cheree vae pe jae: ‘Ko aï’, ‘ko aï.’

2Ara ñavo arökuavee tëi chepo tëta ipɨapochɨ vae pe,

jókuae tëta oguata tape ikavimbae rupi,

ipɨa jemimbota rupiño.

3Tëta chemboarasɨ avei ara ñavo vae;

kó raɨ rupi omee reta mɨmba oyeyukagüe tumpa-raanga pe,

ladrillo re oapɨ reta ikäti kavi vae incienso;

4tɨvɨa rupi oguapɨ reta,

iköe reta yaikuaambaea rupi;

kuchi

13Jáeramo, yandeYa jei:

“Mase, cherembiokuai reta oime jou vaerä,

ërei pe reta pekaruaita;

jae reta oime oɨu vaerä,

ërei pe reta peɨuveta;

jae reta oyeroviata,

ërei pe reta peñemomaraiukata;

14cherembiokuai reta otairarita ipɨa oyerovia reve,

ërei pe reta peräseta peyaeo pepɨatɨtɨ yae güi.

15Peeyata peree cherembiparavo reta oyepopeyu pɨpe vaerä.

Jökoraita che peYa poyukauka,

ërei cherembiokuai reta ambojee pɨauta, ïru tee pe.

16Oipotagüe kuae ɨvɨ pe oipota mborerekua vae,

güɨnoita Tumpa iyapumbae jee re;

jare oipotagüe kuae ɨvɨ pe oñererökuavee mbae oyapo vaerä yave,

toyapo Tumpa iyapumbae jee re.

Echa opaete tenondegua tembiporara reta opata oasa,

opata okañɨ cheróvai güi.”

Ara jare ɨvɨ ipɨau vae

17“Echa ko che ayapota ara ipɨau jare ɨvɨ ipɨau;

tenondegua re ngaraa ye ma kia imaendúa jese.

18Ërei pepɨakatuta jare peyerovia katuta jekuae avei,

mbaembae che ayapo pɨau ye vae re;

echa, ko che aruta Jerusalén pe yerovia katu, jare pɨpegua reta pe vɨakatu.

19Ayeroviata Jerusalén re,

jare avɨakatuta chembae vae ndive;

jare ngaraa ye ma oyeendu pɨpe yaeo jare jäse vae.

20Ngaraa ye ma oime joko pe,

michia raɨ omano mbovɨ ara peño vae,

indechi vae ave, ngaraa omano oupitɨmbae reve iara;

cien añoa pe omano vae, taɨrusu ko omano,

jare mbaetɨ oupitɨ cien año vae iyoa jeko pegua ko.

21Oyapo retata o, jare joko pe yogüɨreko retata;

oñotɨ retata uva jare jou retata iagüe.

22Ngaraa oyapo reta o, ïru vae oiko vaerä pɨpe,

ngaraa vi omaetɨiño kia jou vaerä;

echa ɨvɨra reta yogüɨreko puku vae rami ko, chembae vae reta yogüɨreko pukuta,

jare cherembiparavo reta oyekouta iparavɨkɨ re.

23Ngaraa oparavɨkɨiño reta,

jare ngaraa imembɨiño, omano vaerä chugüi;

echa che peYa iporerekua jese vae iñemuña reta ko,

jökoraita vi iñemuña reta.

24Jare ndei oyerure reta mbae re cheve mbove, che omboyevɨta ma;

imiari vɨteri ñogüɨnoi ramboeve, che aenduta ma.

25Aguarayaɨmba jare vecha kuimbae raɨ okaru päveta,

yaguapope jouta kapii güeye rami;

jare mboi jembiurä ɨvɨkúi.

Ngaraa oyombopɨatɨtɨ reta,

jare ngaraa oyapo reta ikavimbae opaete cheɨvɨtɨ oñeñono tee vae pe.”

Jei yandeYa.