SALMOS 69 - Guarani Bible with DC

SALMO 69Sapúkai mbɨatɨtɨ pegua

1Chereroasayepe, cheRu Tumpa,

echa ɨ cheyukata ma.

2Ɨvɨasuru yaea pe aï,

mbaetɨ ketɨ apɨ̈ro vaerä;

aja ɨrugua tɨpɨ yaea pe,

chereraja ɨ ipɨ̈rata yae vae.

3Chekangɨ ma aporoenɨi,

cheaseo jäve ma,

cheresa ikangɨ ma aäro cheRu Tumpa.

4Cheäka re chea oï vae güi jeta yae cherekombae

ndeangao vae reta cheangao vi.

10Ayaeo jare ayekuaku tembíu güi yave,

cheyóyai yóyai reta.

11Ayemonde temimonde mbɨatɨtɨ pegua yave,

cheapo reta iñeerä,

12imiari ari reta chekotɨño tëta guasu öke pe oguapɨ vae reta,

jare okau vae reta itairari rupi cheangao.

13CheRu Tumpa, añave ayerure ndeve ndepɨakavi re;

cheRu Tumpa, ndeporoparareko tuicha yae vae re,

ndeporogüɨroasayepe añete vae re, ¡eendu cheve!

14¡Cherenoe tuyuapo güi,

agüɨye opa takañɨ pɨpe!

¡Chereepɨ chemotareɨ vae reta güi,

jare ɨ tɨpɨ yae vae güi!

15¡Agüɨye tachereraja ɨ ipɨ̈rata vae!

¡Agüɨye tachereitɨ ɨ oyepɨu vae pe ave,

jare chemondo ɨ́vɨkotɨ!

16Eendu cheYa, echa ikavi yae ko ndeporoparareko;

emae cheré ndeporoaɨu tuicha vae rupi.

17Agüɨye eyerova che nderembiokuai güi,

echa chepɨatɨtɨ aï, jarembae voi eendu cheve.

18Eya katu cheré, chereepɨ;

chereroasayepe cherovaicho reta güi.

19Nde reikuaa ko kërai chekura reta vae,

chembopɨakavimbae vae jare chemomarai reta vae;

nde reikuaa ko opaete cherovaicho reta.

20Cheyóyai yóyai yae reta vae chembopɨtu yae jare chembopɨatɨtɨ yae.

Aäro kia cheparareko vaerä,

ërei mbaetɨ;

jare oporombopɨakatu vae ave mbaetɨ aväe.

21Cherembiurä oñono reta mbae iroasɨ vae,

jare cheɨuve yave omee reta jau vinagre.

22Iarete pegua tembíu kavi reta toï chupe reta ñuai rami,

ikavi vaerä tëi vae, yemboavairä.

23Topɨta reta jesambae rami, agüɨye vaerä oecha reta;

torɨrɨi reta ipɨtu yave güi.

24Eitɨ ndearasɨ jese reta,

ndearasɨ yae vae toupitɨ reta.

25Jo kavi topa toyemboai;

iküaraɨa guakapi pegua topɨta ipombae.

26Echa oiporarauka reta, nde reiporarauka chupe vae pe;

jare oyóyai yóyai reta nde rembopere vae.

27Jeko kavimbae pe emboekovia ikavimbae,

jare agüɨye etei neɨ̈ro chupe.

28Opa vi emboai oikove vae reta jee oyekuatía ñogüɨnoia güi,

jare agüɨye toyekuatía jupi vae reta jee ipɨte pe.

29Ërei che, chepɨatɨtɨ jare cheparavete vae,

chemopüa jare chereroasayepe cheRu Tumpa.

30Amboeteta cheTumpa jee tairari pe,

ambotuichata mbaemboete pe.

31YandeYa ombopɨakatu yaeta,

toro oyeyuka oñemee chupe vae güi,

ani toro taɨrusu vae güɨnoi jäti jare ipɨ̈sa jakambɨ vae güi.

32Jasɨ katu rupi yogüɨreko vae reta oechata jare oyeroviata.

Peeka Tumpa, jare pepɨa oyerovia katuta.

33Echa yandeYa oyeapɨsaka mbae re oata vae reta re,

jare mbaetɨ güɨröɨro imbae vae reta

tembipɨɨrä ñogüɨnoi vae.

34¡Pemboete yandeYa, opaete oikove vae reta;

ara, ɨvɨ, ɨguasu reta pegua reta!

35Echa Tumpa oepɨta Sión,

jare omopüa pɨau yeta tëta guasu reta Judá pegua;

yogüɨrekota pɨpe vae jare imbaerä oikota.

36Jembiokuai reta iñemuña reta imbaerä vi ko tëta guasu.

¡Tumpa jee oaɨu vae reta yogüɨrekota pɨpe!