1Jókuae soo oñemee tumpa-raanga reta pe vae regua, opaete vae yaikuaa ko. Yaikuaa vae, yandemboyemboete ko, ërei mboroaɨu ñañemomɨ̈rata ko.
2Kia nunga vae ipɨa pe oikuaa yae ko iyeupe vae, oikuaaä vɨteriño ko mbae oikuaata tëi vae.
3Ërei kia nunga vae oaɨu Tumpa vae, Tumpa oikuaa jókuae nunga.
4Jayave soo oñemee tumpa-raanga reta pe vae, yaikuaa ko tumpa-raanga mbaeä etei kuae ɨvɨ pe. Jare yaikuaa Tumpa meteiño ko.
5Yepe tëi oime amogüe oyembojee tumpa reta pe, ara pe ani ɨvɨ pe (jeta ko jókuae nunga tumpa reta, jare jeta vi ko ɨvɨ pegua mbae iya reta).
6Ërei ngatu yandevegua meteiño ko Tumpa. Jae ko yandeRu. Jae oyapo opaete mbaembae, jare yande yaiko chupeguarä. Jare meteiño yandeYa Jesucristo. Jae oyapo opaete mbaembae, jare omee yandeve tekove.
7Ërei oime amogüe kuae regua oikuaambae vae. Echa jae reta omboete yepi tumpa-raanga reta, jare soo jou yave oyemongeta tumpa-raanga reta pe oñemeegüe ko. Jáeramo jou yave, oyemongeta ikavimbae ko oyapo oï. Echa mbaetɨ ipɨ̈rata iporogüɨrovia pe.
8Echa yau vae rupiä ko Tumpa yandemboresive. Echa yau vae mbaetɨ yandembokavi ani yaumbae vae mbaetɨ vi ñanemopɨ̈chɨi.
9Ërei peyeandu agüɨye vaerä jókuae peu vae rupi pembogüɨapiuka mbaetɨ ipɨ̈rata iporogüɨrovia pe vae.
10Echa güɨramoi amogüe ndererovia katu vae ndereecha reguapɨ reï tumpa-raanga oïa pe yave, güɨramoi jae mbaetɨ ipɨ̈rata iporogüɨrovia pe yave remokɨ̈reɨta jou vaerä soo oñemee tumpa-raanga reta pe.
11Jare nde ndearakuaa rupi kavi reï joko pe vae rupi okañɨta mbaetɨ ipɨ̈rata iporogüɨrovia pe vae, jese Cristo omano vae.
12Jáeramo jökorai peyoa mbaetɨ ipɨ̈rata iporogüɨrovia pe vae kotɨ vae rupi, peyoa Cristo kotɨ.Mt 25.45.
13Jayave, mbae jau vae rupi oporogüɨrovia vae ambogüɨapiuka yave, soo ave ngaraa etei jau, agüɨye vaerä ambogüɨapi ïru oporogüɨrovia vae.
Who We AreWhat We EelieveWhat We Do
2025 by iamachristian.org,Inc All rights reserved.
