1¡CheYa, Tumpa oyepɨ ikavimbae iyapoa reta re vae,
Tumpa oyepɨ ikavimbae iyapoa reta re vae, eyeechauka!
2Ɨvɨ pe oporojäa vae, epüa;
eiporarauka ipɨayemboete vae reta pe.
3CheYa,
¿kërai yave regua pa iyoa vae reta oyerovia katuta?
4¿Kërai yave regua pa jeita mbae jasɨ katu vae,
jare oyemboeteta iyé ikavimbae iyapoa reta?
5CheYa Tumpa,
güɨrekoasɨ katu ndembae vae reta,
¡omomichi ndembae vae reta!
6Oyuka reta imemano vae jare ketɨgua,
tɨ̈reɨ oyuka reta vi.
7Jei reta: “Tumpa mbaetɨ ko oecha,
Jacob iTumpa oikuaaä ko kuae regua.”
8¡Pe mbaetɨ pearakuaa vae reta, pearakuaa mo peyeupe!
Pe mbaetɨ pearakuaa vae reta,
¿kërai yave pa pearakuaata ma peyeupe?
9Apɨsa iyapoa ¿oendu potaä yera?
Tesa iyapoa ¿oecha potaä yera?
10Tëtaguasu reta oinupa vae,
¿oporonupa potaä yera?
¿Oikuaa potaä yera, omboe kuimbae reta arakuaa re vae?
11YandeYa oikuaa kuimbae reta iyemongeta,
oipotagüeño oyemongeta reta vae.
12CheYa Tumpa,
toyekou jókuae kuimbae, nde rembosɨmbi vae,
jare ndeporookuai reta re remboe vae,
13ipɨagüive vaerä ou yave ara ikavimbae vae,
ërei jeko kavimbae peguarä oyeyoo ɨvɨkua.
14YandeYa ngaraa oeya imbae vae reta,
ngaraa oeya iyangarekoambae imbae vae reta.
15Oime yeta mbaejupi,
jare opaete ipɨa jupi vae reta omomoeta.
16¿Kia pa chereepɨta jeko kavimbae reta güi?
¿Kia pa chereepɨta ikavimbae iyapoa reta güi?
17YandeYa mbaetɨ yave mona chemborɨ,
amanota tëi ma ko.
18“Jaema agüɨapi” jae cheyeupe yave,
ndeporoparareko chemborɨ, cheYa.
19Jeta yemongeta ou chepɨa pe vae ipɨte pe,
ndeporombopɨakatu chemboyerovia.
20Oporojäa kavimbae reta ïruä ko nde,
güɨrova reta mborookuai iyeupe oyapo vaerä ikavimbae.
21Oyomboatɨ reta oyemongeta jupi vae jekove re,
jare omometei reta yemongeta,
oyuka vaerä jekombae vae.
22Ërei cheYa ko cheñepɨ̈roa,
cheTumpa ko jae ɨ̈vavira añepɨ̈ro jese vae.
23Jae ko omboyevɨta jeko aeño iyoa vae reta re.
¡YandeYa Tumpa ko opata omokañɨtei reta!
Who We AreWhat We EelieveWhat We Do
2025 by iamachristian.org,Inc All rights reserved.
