1CheYa Tumpa,
ndeporoparareko yae ko kuae tëtaguasu ndembae vae re;
reru ye tembipɨɨ güi Jacob iñemuña reta;
2neɨ̈ro ko ndembae vae reta pe ikavimbae oyapogüe re,
jare opaete iyoa reta re;
3rembosɨrɨ ndeyeugüi opaete ndearasɨ yae vae.
4CheRu Tumpa, orereroasayepe vae,
¡oremopüa pɨau ye!
¡Ndearasɨ poi mo orekotɨ!
5¿Ndearasɨta ra reiko orekotɨ jekuae avei rupi?
¿Ndearasɨ aveita ra reiko jekuae avei pegua?
6¿Ngaraa ma ra remee roikove ye vaerä,
ndembae vae reta oyerovia katu ye vaerä nderé?
7CheYa Tumpa,
¡eechauka ndeporoparareko oreve jare orereroasayepe!
8Ayeapɨsakata aï cheYa Tumpa jeita vae re;
echa imiarita mbɨakatu, imbae vae reta pe
jare jupi rupi yogüɨreko vae reta pe,
agüɨye vaerä ma oyerova ye ikavimbae kotɨ.
9Añetete, köiño yae oï Tumpa iporogüɨroasayepe, oipoɨu chugüi vae reta peguarä,
iyemboetea oiko vaerä yandeɨvɨ pe.
10Mboroparareko jare añete vae oñoväe,
mbɨakatu jare jupi vae oñoküava,
11añete vae jeñɨita ɨvɨ güi,
mbaejupi outa ara güi.
12YandeYa Tumpa ombouta ama,
jare yandeɨvɨ pe oimeta mbaagüɨye.
13Mbaejupi ojota jae jenonde,
jare oyapo kavita yanderaperä.
Who We AreWhat We EelieveWhat We Do
2025 by iamachristian.org,Inc All rights reserved.
