SALMOS 144 - Guarani Bible with DC

SALMO 144Mburuvicha guasu oyapo yasoropai Tumpa pe

1Mbaemboete toiko ndeve cheYa,

ita guasu cheñepɨ̈roa;

jae chembopoki añoraro vaerä ñeraroa pe.

2Cheparareko vae, cheñepɨ̈roa,

chepɨ̈rata nderé vae, chereroasayepe vae,

cheyeopiaka, jese ayeko vae,

jae oñono opaete cherëtaɨgua reta chembaepuere igüɨ pe.

3CheYa Tumpa,

¿mbae pa ko kuimbae, reyemongeta vaerä jese?

¿Mbae pa ko kuimbae,

reaɨu yae vaerä?

4Kuimbae mbaeä etei ko;

jekove, küaraɨa oasa vae ramiño ko.

5CheYa Tumpa,

emoɨ̈vɨi ndeara javoi egüeyɨ,

egüeyɨ ɨvɨtɨ reta re, jare tijätati.

6Embou ama-vera reta,

opa emboai,

embou nderuvɨ reta,

opa embotekuarai nderovaicho reta.

7Embou ndepo ɨvate güi,

chereroasayepe jare cherenoe ɨguasu güi,

ketɨgua reta imbaepuere güi,

8jókuae iyapu vae reta güi,

oñererökuavee oporombotavɨ reve vae güi.

9CheRu Tumpa,

atairarita ndeve tairari ipɨau vae pe;

arpa payandepo iïcha vae ndive atairarita ndeve.

10Nde ko remee mburuvicha guasu reta oporomoamɨri vaerä,

reepɨ ko nderembiokuai David,

kɨsepuku ikavimbae vae güi.

11Chereepɨ jare chereroasayepe ketɨgua reta imbaepuere güi,

iyapu vae reta güi,

oñererökuavee oporombotavɨ reve vae güi.

12Oreraɨ reta, tokuakuaa ɨvɨra okuakuaa ramo vae rami,

orerayɨ reta, okɨta oñeopa kavi mburuvicha guasu jo regua rami.

13Oreavatío reta, titɨnɨe oipotagüe temitɨ jäi pe,

orerɨmba reta toñemuña jeta yeyé ñuu rupi.

14Oregüeye reta tijäta ngatu mbaravɨkɨ peguarä;

agüɨye topüa oreré vae,

ani torereraja vae,

agüɨye toyeendu sapúkai kɨɨye pegua orerokaguasu reta rupi vae.

15¡Oyerovia ko tëta jökorai oiko vae!

¡Oyerovia ko, tëta iTumpa jae ko yandeYa vae!