1YandeYa jei Moisés pe:
—Ekua. Opa eraja opaete ɨvɨ Egipto güi renoe vae reta, ɨvɨ che arökuavee amee vaerä Abraham,Gn 12.7. Isaac,Gn 26.3. jare JacobGn 28.13. pe vae pe, jae reve: Peñemuña reta pe ameeta.
2Che amondota nderenonde araɨgua, jare amoëta amombo jókuae iɨvɨ güi cananeo reta, amorreo reta, heteo reta, ferezeo reta, heveo reta jare jebuseo reta.
3Pekua ɨvɨ ikavi yae vae pe; ërei che mbaetɨta aja pe ndive, echa pe reta ipɨa täta yae vae ko, agüɨye vaerä opa pomboai tape rupi.
4Jare opaete vae reta oendu jókuae ñee jasɨ katu yae vae ikotɨ reta yave, oyemonde reta temimonde mbɨatɨtɨ pegua pe, mbaetɨ oyemonde reta temimonde ikavigüe pe,
5echa yandeYa jei yepe Moisés pe:
—Ere Israel iñemuña reta pe: “Pe reta jae ko ipɨa täta yae vae. Michi pegua yepe aï pepɨte pe yave, opata pomboai. Añave pemboi peyeugüi peremimonde ikavigüe, che aikuaa vaerä mbae ayapota peve vae.”
6Jayave ɨvɨtɨ Horeb güive, Israel iñemuña reta mbaetɨ ma oyemonde reta temimonde ikavigüe pe.
Tupao guakapi pegua regua7Jayave Moisés oipɨɨ metei küaraɨa guakapi pegua, jare omopüa mombɨrɨ katu teyupa güi ikatu pe, jare ombojee tupao guakapi pegua. Jare oipotagüe yandeYa oeka vae, ojo jókuae tupao guakapi pegua pe, teyupa güi ikatu pe oïa pe.
8Jare Moisés ojo yave jókuae tupao guakapi pegua pe, opaete vae opüa metei vae ñavo oï ipɨ re iküaraɨa guakapi pegua jöke pe, omae reta ñogüɨnoi Moisés re, jae oike ojo tupao guakapi pegua pe regua.
9Moisés oike yave jókuae tupao guakapi pegua pe, amapɨtu jɨsɨ ogüeyɨ jare ou oñeñono tupao guakapi pegua jöke pe, jare yandeYa imiari Moisés ndive.
10Jare opaete vae oecha amapɨtu jɨsɨ vae tupao guakapi pegua jöke pe oï yave, metei ñavo oyetavatɨka iküaraɨa guakapi pegua jöke pe jare ombaemboete reta.
11Oyoova pe etei yandeYa oñomomiari Moisés ndive, oipotagüe imiari ivɨa-ïru ndive rami, jare Moisés ojo ye teyupa pe. Ërei kunumi Josué, Nun taɨ, mbaetɨ oë tupao guakapi pegua japɨpe güi.
YandeYa oechauka iyemboetea Moisés pe12Jare Moisés jei yandeYa pe:
—Mase, nde cheokuai ayangareko vaerä kuae reta re, jare mbaetɨ remombeu cheve kia ko remondota cherupíe vae. Ërei ngatu nde rere cheve rokuaa kavi yae ko vae, jare chekotɨ renoi mbɨakatu vae.
13Añave, ndepɨakatu ko chekotɨ yave, romoñera reikuaauka vaerä cheve ndeyemongeta reta, rokuaa vaerä jare aikuaa vaerä ndepɨakatu ko chekotɨ vae, echa opaete kuae reta ndembae ko.
14Jare Tumpa jei chupe:
—Che etei aïta nde ndive, jare mbaetɨta ma mbae re reyemoambeko.
15Ërei Moisés jei chupe:
—Nde mbaetɨta reo che ndive yave, agüɨye orerenoe kuae güi.
16Echa nde mbaetɨ reo ore ndive yave, ¿këraita pa che jare opaete vae reta roikuaa ndepɨakatu ko ore kotɨ vae? Jayaveño ore ambuaeyeeta opaete ïru tëta reta ɨvɨ pegua güi.
17Jare yandeYa jei ye Moisés pe:
—Ayapota vi kuae rere vae, chepɨakatu ndekotɨ jeko pegua, echa rokuaa katu ko.
18Jayave Moisés jei:
—Romoñera reechauka vaerä cheve ndeyemboetea.
19Jayave yandeYa jei chupe:
—Che aechaukata ndeve opaete chepɨakavi, nde rupi oñemoërakuata cheree, cheporopararekota che aipota vae re jare chepɨakavita che aipota vae re.Ro 9.15.
20Ngaraa ndepuere reecha cherova, echa ngaraa metei kuimbae chereecha yave oikoveño.
21YandeYa jekuae jei ye:
—Mase, emae kuae kotɨ, eñeñono ɨ̈vavira iárambo.
22Cheyemboetea oasa yave, che roñonota ɨ̈vavira ipäu pe, jare nderesa añomita chepo pe che aasa regua.
23Javoi ambosɨrɨta ndegüi chepo jare reechata chekupe, ërei ngaraa reecha cherova.
Who We AreWhat We EelieveWhat We Do
2025 by iamachristian.org,Inc All rights reserved.