1CheRu Tumpa, ¡agüɨye kïriiño eï!
¡Agüɨye kïrii epɨta nderenda pe neñeembae!
2Echa, ko nderovaicho reta jäsémbai osapúkai,
nemotareɨ vae reta oñemopüa ndekotɨ.
3Oyapo vɨari reta yemongeta ikavimbae tëta ndembae kotɨ,
¡oyemongeta kaviä nderembiangareko reta kotɨ!
4Jei reta: “Peyu opa ñamokañɨtei,
agüɨye vaerä ma oiko tëtaguasurä,
agüɨye ye toyeendu Israel jee.”
5Echa oyomboatɨ oyapo reta yemongeta metei ramiño,
oñomoïru reta oñemopüa ndekotɨ,
6jae ko: Edom jare Ismael iñemuña reta,
Agar jare Moab iñemuña reta,
7Gebal, Amón jare Amalec,
filisteo reta jare Tiro pegua reta,
8oñemoïru vi jae reta ndive Asiriaɨgua reta;
kuae reta ko Lot iñemuña reta ipɨ̈rata yae jese vae.
9Eyapo chupe reta Madián pegua reta pe reyapo rami,
Sísara pe reyapo rami;
ɨesaɨ Cisón pe reyapo Jabín pe reyapo rami,
10Endor pe opa okañɨtei reta,
jare jetegüe opa oyea ɨvɨ ndive tepoti rami.
11Eyapo isundaro ruvicha reta pe,
mburuvicha reta Oreb jare ZeebJue 7.25. pe reyapo rami;
jare eyapo opaete juvicha reta pe,
mburuvicha reta Zeba jare ZalmunaJue 8.12. pe reyapo rami,
12echa jei reta: “Yayapo yandembaerä Tumpa oikoa.”
13CheRu Tumpa, eyapo chupe reta kusumirou güɨroveve ɨtɨ rami,
ñana joogüe ɨvɨtu opa güɨroveve rami;
14jare tata opa oapɨ ɨvɨtɨ vae rami,
tata opaetei kaa omboasavi oeya vae rami.
15¡Jökorai eaɨkuemoña reta neama ɨvɨtuai reve vae pe,
jare eiämondo reta nekusumirou pe!
16CheYa, ¡emomaraiuka reta,
ndereeka reta vaerä!
17Timara jare tipɨa jopa topɨta reta jekuae avei pegua;
¡toñemomaraiuka reta jare tomano reta!
18¡Toikuaa reta nde jae ko Tumpa vae,
ndeño ko jae Tuichagüe yae ete opaete ɨvɨ re vae!
Who We AreWhat We EelieveWhat We Do
2025 by iamachristian.org,Inc All rights reserved.
