1Kuaekuae ko jae ɨvɨ Canaán, Israel iñemuña reta opɨ̈ro imbaerä vae, kuae omboyao chupe reta sacerdote Eleazar, Josué, Nun taɨ jare Israel iñemuña juvicha reta ñavo ndive.
2Ɨvɨ oyemboyao chupe reta suerte rupi chau ñemuña pe jare metei ñemuña oyemboyaogüe pe, yandeYa oyókuai Moisés vae rami oyemboyao chupe reta.
8Jare tëtara che ndive yogüeru vae reta ombopɨa kɨɨyeuka opaete vae; ërei che ayeko cheYa Tumpa kotɨño.
9Jayave Moisés jei cheve Tumpa jee re: ‘Ɨvɨ repɨ̈ro jese vae toiko ndembaerä jare neñemuña reta peguarä jekuae avei pegua, echa reyeko cheYa Tumpa kotɨ ño.Nm 14.24.
10Añave, yandeYa omee aiko vaerä, jae jei rami, kuae cuarenta y cinco año ma oasa yandeYa imiari kuae ñee reta Moisés pe güire, Israel iñemuña reta oguatase yave ñuu rupi, jare añave anoi ma ochenta y cinco año.
11Ërei añave chetäta vɨteriño, Moisés chembou ɨvɨ re amae yave rami, jókuae ara rupi chepɨ̈rata rami, jökorai vɨteri chepuere ñeraro pe.
12Jayave emee cheve jókuae ɨvɨtɨ guasu yandeYa imiari jese vae. Nde reikuaa jókuae ara rupi Anac iñemuña reta yogüɨreko joko pe vae, jare oime tëta guasu reta tuicha yae vae jare oñekëse kavi yae vae. Ërei aäro yandeYa oï vaerä che ndive, anoe vaerä amombo reta joko güi, yandeYa jei rami.”
13Jayave Josué jei ñee kavi Caleb, Jefone taɨ kotɨ jare omee chupe Hebrón, jae imbaerä jare iñemuña reta peguarä.
14Jökorai Hebrón opɨta Caleb, Jefone taɨ imbaerä añave regua, yandeYa, Israel iñemuña reta iTumpa kotɨño oyeko jeko pegua.
15Hebrón jee tenondegua jae ko Quiriat-arba; echa Arba jae ko jërakua yae vae, Anac kuimbae puku yae vae iñemuña pegua.
Jare ɨvɨ oputuu ñeraro güi.
Who We AreWhat We EelieveWhat We Do
2025 by iamachristian.org,Inc All rights reserved.
