1Bildad Súaɨgua jei Job pe:
2¿Kërai yave regua pa jekuaeñota rere kuaekuae reta;
jare neñee reta jekuaeñota opɨtambae ɨvɨtuai rami?
3¿Tumpa güɨrovata pa jupi vae,
Imbaepuere yae ete vae oipoepɨta pa jupi vae?
4Nderaɨ reta iyoa ko Tumpa kotɨ yave,
jae opa oyuka iyoa re.
5Ndeimboveasɨ yave nde reeka Tumpa yave,
jare remoñera yave Imbaepuere yae ete vae.
6Ndekɨambae jare ndesɨmbi ko yave,
añetete jae ndeangareko aveita ko.
Reiko kavita jupi rupi reiko vae re.
7Jare yepe tëi tenonde yave ndeparavete,
ërei jaɨkue rupi reikokatu yaeta.
8Eparandu añave ñemuñagüe reta pe,
jare eikuaa jae reta oikuaa vae.
9Echa yande reta ko karumboegua, mbaetɨ etei mbae yaikuaa,
yandeara reta kuae ɨvɨ pe küaraɨa oasa vae ramiño ko.
10Ërei ñaneñemuñagüe reta ipuere imiari ndeve
jare ndemboe jeta mbaembae re.
11¿Okuakuaa pa käipepe ɨmbaea pe?
¿Okuakuaa pa kapii ɨ rupigua ɨmbaea pe?
12Yepe tëi jokɨ katu, oyeasɨambae reve
jae räri ipiru opaete ñana reta güi.
13Jökorai ko opaete iñakañɨ Tumpa güi vae reta,
iyoa vae reta oäro tëi vae okañɨta ko.
14Oyerovia tëi jese vae, okañɨ vae ko,
güɨrovia katu vae ñanutirapaa ramiño ko.
15Jókuae jo re oyeko tëita, ërei ngaraa omomara chupe,
iïcha re oyepɨɨ tëi yave osota chupe.
16Jeko kavimbae, ɨvɨra jokɨ kuaraɨ pe oï vae rami ko,
jokɨ pɨaugüe, kó raɨ pe oëmbuku vae rami ko.
17Japo reta oike ita reta ipäu rupi,
jare oï ita reta ipɨte rupi.
18Oyeapomondoro yave joko güi,
ngaraa etei oyekuaa jendagüe.
19Jökorai opa iyerovia,
jare jendagüe pe oë yeta ambuae vae.
20Mase, Tumpa mbaetɨ ko güɨröɨro jupi vae;
jare mbaetɨ ko omborɨ katu jeko kavimbae reta.
21Jae omee yeta ko repuka vaerä,
jare reyerovia katu vaerä.
22Ërei, nemotareɨ vae reta imara yaeta ko;
jare iyoa vae reta iñemuña okañɨteita ko.
Who We AreWhat We EelieveWhat We Do
2025 by iamachristian.org,Inc All rights reserved.
