1Jae ko kuae ñee reta Moisés jei opaete Israel iñemuña reta pe, Jordán güi kuaraɨ oëa kotɨ ñuu Arabá pe, Ɨguasu Pɨ̈ta vae jóvai; ɨvɨ Parán, Tofel, Labán, Hazerot jare Dizahab ipäu pe.
2Once ara yaguata Horeb güi Cades-barnea kotɨ, ɨvɨtɨ Seir rupi tape ojo vae rupi.
3-4Cuarenta añoa pe, yasɨ oncea pe, tenondegua ara pe opa güire Moisés omoamɨri Sehón, amorreo reta
14Jare pe pere cheve: ‘Ikavi yae jókuae rere oreve vae.’
15Jayave aipɨɨ ñemuña ñavo güi kuimbae yarakuaa katu vae, jare jäta ngatu vae, añono petenondeguarä, amogüe mil vae re, ïru cien vae re, cincuenta vae re jare payandepo vae re, jare amogüe reta ñemuña ñavo re.
16Ayókuai vi peruvicha oporojäa vae reta, oporojäa vaerä peré, perëtara reta re jare ketɨgua reta re.
17Oporojäa vaerä oporoparavombae reve; oyeapɨsakata paravete vae re jare oikokatu vae re, mbaetɨ eteita kia güi okɨɨye, echa Tumpa etei ko oporojäa. Jare yavai yae teko yave peruta cheve, che ayapo vaerä.
18Jökorai jókuae ara rupi amee mborookuai opaete vae pe oyapo vaerä.
Doce vae reta yogüɨraja omae ɨvɨ re vae(Nm 13.1—14.4)19Jare Horeb güi ñaë yave, yaguata opaete jókuae ñuu tuicha jare yavaetegüe rupi, amorreo reta iɨvɨ ɨvɨtɨ katuai vae kotɨ yayu yave peecha vae; yandeYa Tumpa yandeokuai rami, yayu regua ñaväe Cades-barnea pe.
20Jayave joko pe che jae peve: ‘Yayu ma ñaväe amorreo reta iɨvɨtɨ pe, yandeYa Tumpa omee yandevea pe.
21Mase, yandeYa Tumpa omee peve ɨvɨ, pekua pepɨ̈ro pembaerä peñemuñagüe reta iTumpa jei peve rami, agüɨye pekɨɨye jare peyembopɨtu.’
22Ërei pe reta opaete peyu pere cheve: ‘Yamondo yandepɨte güi omae vaerä ɨvɨ re, jare yogüeru ye yave tomombeu yandeve tape kerupi ra yajata vae, jare kia nunga tëta guasu pe räri ra yajata vae.’
23Jare kuae pere cheve vae ikavi cheve, jayave aiparavo doce kuimbae reta pepɨte güi, ñemuña ñavo güi.
24Jare opa yogüɨraja ɨvɨtɨ kotɨ, yogüɨraja regua oväe Escol pe, jare omae reta opaete ɨvɨ re.
25Jare güeru reta yandeve jókuae ɨvɨ güi mbae iagüe, jare imiari reta jei reve: ‘Ikavi yae ɨvɨ yandeYa Tumpa omee yandeve vae.’
26Ërei ngatu mbaetɨ peipota peyeupi peo vaerä jókuae ɨvɨ pe, jaeño, peyembopɨapochɨ peyapo vaerä peTumpa iporookuai.Dt 9.23; Heb 3.16.
27Jare peñeenguru pero guakapi pegua ñavo rupi, pere: ‘YandeYa ñanereröɨro; ñanerenoe ɨvɨ Egipto güi ñanemee amorreo reta ipo pe, yandemboai vaerä.
28Jare añave, ¿ketɨ pa yajata? Ñanerëtara reta omombeu kavi ma oechagüe, jei reta: Tëta tuicha yae jare imbaepuere yae vae ko, jare ikësea reta ɨvategüe, roecha vi Anac iñemuña reta. Opaete kuaekuae roendu yave oreiämondo yae.’
29Jayave che jae peve: ‘Agüɨye peñeiämondo, agüɨye pekɨɨye chugüi reta.
30YandeYa Tumpa ko ojota perenonde, jae oñorarota peré, peecha Egipto pe oyapo rami.
31Kuimbae oipoko taɨ güɨroata rami, peecha yandeYa Tumpa pereroata ñuuHch 13.17-18. rupi opaete peguataa rupi, peyu regua peväe kuae pe.’
32Ërei ngatu jeseve mbaetɨ perovia yandeYa Tumpa,Heb 3.19.
33jae ko ojo perenonde jare oeka kia pe peputuu vaerä, pɨ̈tu yave omoembipe oechauka peve kerupi peguata vaerä jare ara pe amapɨtu.
Tumpa iyarasɨ Israel iñemuña reta kotɨ(Nm 14.20-35)34YandeYa oendu peñeenguru yave iyarasɨ, jare jei jee re oyeapo vaerä, körai:
35‘Kuae ñemuña reta güi mbaetɨ eteita oecha ɨvɨ kavi, arökuavee amee vaerä peñemuñagüe reta pe vae.Heb 3.18.
36Jaeño ete Caleb, Jefone taɨ oechata, jare iñemuña reta oechata jókuae ɨvɨ ojo oecha vae, echa sɨmbi oguata cheróvai.’
37Jare pereko pegua yandeYa iyarasɨ chekotɨ, jei cheve: ‘Ngaraa vi nde reike jókuae ɨvɨ pe.
38Josué, Nun taɨ ndemborɨ vae, jae oiketa nderekovia pe jókuae ɨvɨ pe, emoäta ngatu, echa jae omeeta ɨvɨ Israel iñemuña reta pe.
39Jare pemichia reta pe, tembipɨɨrä yogüɨrekota pere chupe vae, ndei ave oikuaa ikavi vae ani ikavimbae vae, jae reta oiketa jókuae ɨvɨ pe, chupe reta ameeta ɨvɨ imbaerä.
40Ërei pe reta ¡peyerova ye peo ñuu kotɨ! Tape Ɨguasu Pɨ̈ta vae kotɨ ojo vae rupi.’
Ɨvɨ Horma pe ñamɨri Israel iñemuña reta(Nm 14.39-45)41Jayave pe reta pere cheve: ‘Oreyoa yandeYa kotɨ, añave torojo roñoraro vaerä yandeYa Tumpa oreokuai rami.’ Jare peyeapo katu metei ñavo ñeraro peguarä, jare peyupavo peyeupi vaerä ɨvɨtɨ re.
42Ërei yandeYa cheokuai jae vaerä peve: ‘Agüɨye pekua; agüɨye vi peñoraro, echa mbaetɨ aï pepɨte pe, peñemoamɨriukata ko perovaicho reta pe.’
43Amombeu tëi peve, ërei ngatu pe reta mbaetɨ chererovia, yandeYa iporookuai peendumbaeño opa peyeupi ɨvɨtɨ re peyomborɨ katu yae reve.
44Ërei ñogüɨnoe perovaicho reta peve yave, amorreo reta jókuae ɨvɨtɨ rupi yogüɨreko vae, peñemoñauka chupe reta kävee oporomoña rami, jare peñemoamɨriuka chupe reta Seir güive Horma kotɨ.
45Jare peyerova peyaeo reve yandeYa jóvai, ërei yandeYa mbaetɨ oendu peñee, mbaetɨ vi oyeapɨsaka peré.
46Jare peiko Cades pe ɨma año rupi.
Who We AreWhat We EelieveWhat We Do
2025 by iamachristian.org,Inc All rights reserved.
