NÚMEROS 33 - Guarani Bible with DC

Israel iñemuña reta iguata Egipto güive ɨ̈aka Jordán pe

1Kuae ko jae Israel iñemuña iguata, ɨvɨ Egipto güi ñogüɨnoe yave oyoaɨkue yoaɨkue reve kavi, Moisés jare Aarón iporookuai rupi.

2YandeYa iporookuai rupi Moisés oikuatía oiko kia güi ñogüɨnoe vae jare kia pe yogüɨraja oväe vae. Körai oyekuatía oï kia güi ko ñogüɨnoe vae.

3Tëta Ramesés güi ñogüɨnoe tenondegua yasɨ pe, ara quince pe; Pascua mókoi araa pe ñogüɨnoe Israel iñemuña reta mbaepuere yae rupi, opaete Egiptoɨgua reta jovake,

4jae reta oñotɨ ramboeve opaete taɨrɨpɨ reta yandeYa güeru mano jese vae reta, jókuae rupi yandeYa oitɨ iyarasɨ itumpa-raanga reta re.

5Israel iñemuña reta ñogüɨnoe Ramesés güi jare opa yogüɨraja oyembojeyupa Sucot pe.

6Sucot güi ñogüɨnoe jare opa yogüɨraja oyembojeyupa Etam pe, ñuu jembeɨ pe.

7Etam güi ñogüɨnoe jare oyerova reta Pi-hahirot kotɨ, Baal-zefón güi kuaraɨ oëa kotɨ oï vae, jare oyembojeyupa reta Migdol jóvai.

8Pi-hahirot güi ñogüɨnoe jare oasa reta ɨguasu ipäu rupi ñuu kotɨ, jare oguata reta mboapɨ ara ñuu Etam rupi, jare opa yogüɨraja oyembojeyupa Mara pe.

9Mara güi ñogüɨnoe jare opa yogüɨraja oväe Elim pe, joko pe oime doce ɨ jesaɨ vae jare setenta karandaɨ; jare oyembojeyupa reta joko pe.

10Elim güi ñogüɨnoe jare opa yogüɨraja oyembojeyupa Ɨguasu Pɨ̈ta vae jembeɨ pe.

11Ɨguasu Pɨ̈ta vae jembeɨ güi ñogüɨnoe jare opa yogüɨraja oyembojeyupa ñuu Sin pe.

12Ñuu Sin güi ñogüɨnoe jare opa yogüɨraja oyembojeyupa Dofca pe.

13Dofca güi ñogüɨnoe jare opa yogüɨraja oyembojeyupa Alús pe.

14Alús güi ñogüɨnoe jare opa yogüɨraja oyembojeyupa Refidim pe, joko pe Israel iñemuña reta mbaetɨ ɨ jou vaerä.

15Refidim güi ñogüɨnoe jare opa yogüɨraja oyembojeyupa ñuu Sinaí pe.

16Ñuu Sinaí güi ñogüɨnoe jare opa yogüɨraja oyembojeyupa Kibrot-hataava pe.

17Kibrot-hataava güi ñogüɨnoe jare opa yogüɨraja oyembojeyupa Hazerot pe.

18Hazerot güi ñogüɨnoe jare opa yogüɨraja oyembojeyupa Ritma pe.

19Ritma güi ñogüɨnoe jare opa yogüɨraja oyembojeyupa Rimón-peres pe.

20Rimón-peres güi ñogüɨnoe jare opa yogüɨraja oyembojeyupa Libna pe.

21Libna güi ñogüɨnoe jare opa yogüɨraja oyembojeyupa Rissa pe.

22Rissa güi ñogüɨnoe jare opa yogüɨraja oyembojeyupa Ceelata pe.

23Ceelata güi ñogüɨnoe jare opa yogüɨraja oyembojeyupa ɨvɨtɨ Sefer re.

24Ɨvɨtɨ Sefer güi ñogüɨnoe jare opa yogüɨraja oyembojeyupa Harada pe.

25Harada güi ñogüɨnoe jare opa yogüɨraja oyembojeyupa Macelot pe.

26Macelot güi ñogüɨnoe jare opa yogüɨraja oyembojeyupa Tahat pe.

27Tahat güi ñogüɨnoe jare opa yogüɨraja oyembojeyupa Tara pe.

28Tara güi ñogüɨnoe jare opa yogüɨraja oyembojeyupa Mitca pe.

29Mitca güi ñogüɨnoe jare opa yogüɨraja oyembojeyupa Hasmona pe.

30Hasmona güi ñogüɨnoe jare opa yogüɨraja oyembojeyupa Moserot pe.

31Moserot güi ñogüɨnoe jare opa yogüɨraja oyembojeyupa Bene-jaacán pe.

32Bene-jaacán güi ñogüɨnoe jare opa yogüɨraja oyembojeyupa ɨvɨtɨ Gidgad re.

33Ɨvɨtɨ Gidgad güi ñogüɨnoe jare opa yogüɨraja oyembojeyupa Jotbata pe.

34Jotbata güi ñogüɨnoe jare opa yogüɨraja oyembojeyupa Abrona pe.

35Abrona güi ñogüɨnoe jare opa yogüɨraja reta oyembojeyupa Ezión-geber pe.

36Ezión-geber güi ñogüɨnoe jare opa yogüɨraja oyembojeyupa ñuu Zin pe, jae ko Cades.

37Cades güi ñogüɨnoe jare opa yogüɨraja oyembojeyupa ɨvɨtɨ Hor re, ɨvɨ Edom jembeɨ pe.

38Jare sacerdote Aarón oyeupi ɨvɨtɨ Hor re, yandeYa jei chupe rami, jare joko pe omano,Nm 20.22-28; Dt 10.6. cuarenta año ma Israel iñemuña reta ñogüɨnoe ɨvɨ Egipto güi yave, tenondegua ara pe, yasɨ pandepoa pe.

39Aarón güɨnoi ma ciento veintitré año yave omano ɨvɨtɨ Hor re.

40Jare cananeo, Arad pegua mburuvicha guasu Neguev pe oiko vae ɨvɨ Canaán pe, oendu Israel iñemuña retaNm 21.1. yogüeru vae.

41Ɨvɨtɨ Hor güi ñogüɨnoe jare opa yogüɨraja oyembojeyupa Zalmona pe.

42Zalmona güi ñogüɨnoe jare opa yogüɨraja oyembojeyupa Punón pe.

43Punón güi ñogüɨnoe jare opa yogüɨraja oyembojeyupa Obot pe.

44Obot güi ñogüɨnoe jare opa yogüɨraja oyembojeyupa Ije-abarim pe, ɨvɨ Moab jembeɨ pe.

45Ije-abarim güi ñogüɨnoe jare opa yogüɨraja oyembojeyupa Dibón-gad pe.

46Dibón-gad güi ñogüɨnoe jare opa yogüɨraja oyembojeyupa Almón-diblataim pe.

47Almón-diblataim güi ñogüɨnoe jare opa yogüɨraja oyembojeyupa ɨvɨtɨ Abarim re, ɨvɨtɨ Nebo jóvai.

48Ɨvɨtɨ Abarim güi ñogüɨnoe jare opa yogüɨraja oyembojeyupa ɨvɨ Moab pe, Jordán jembeɨ pe, tëta Jericó re katu.

49Jeyupa reta Jordán jembeɨ pe oï vae oyemboɨpɨ Bet-jesimot güive Abel-sitim kotɨ ojoi oväe, kuae ko ɨvɨ Moab pe.

Këraita oyemboyao ɨvɨ Canaán vae

50Jare yandeYa jei Moisés pe, ɨvɨ Moab pe, ɨ̈aka Jordán jembeɨ pe, Jericó re katu:

51“Ere Israel iñemuña reta pe: Peasa ma ɨ̈aka Jordán peiko vaerä ɨvɨ Canaán pe yave,

52penoe pemombo opaete jókuae ɨvɨ pegua, jare pemboai opaete itumpa-raanga ita pegua, jare opaete mbae iä jiero pegua oyemondɨkui oyeapo vae, jare pemboai opaete itumpa-raanga omboete jese vae ɨvɨtɨ re güɨnoi reta vae.

53Pepɨ̈ro jókuae ɨvɨ jare peiko pɨpe; echa che ko amee peve pembaerä.

54Pemboyao peyeupe ɨvɨ suerte rupi, peñemuña ñavo rupi; jeta vae reta imbaerä pemee tuicha, jare mbovɨño vae reta imbaerä pemee michiño; suerte oaaNm 26.54-56. pe toipɨɨ reta iyeupe; peru reta iñemuña rupi penoita.

55Ërei mbaetɨ yave penoe pemombo peyeugüi jókuae ɨvɨ pegua reta, jókuae opɨtagüe reta yogüɨrekota peve yepea jaɨgüe peresa pe oï rami, ani ñurati rami peɨke re, jare oiporaraukata peve kuae ɨvɨ peikota pɨpe vae pe;

56jare che ayapota peve, chupe reta ayemongeta tëi ayapo vaerä vae.”