1CheYa Tumpa, chejäa,
echa che aiko jupi rupi;
ndereño etei che ayeko.
2Emae kavi cheré cheYa Tumpa, ¡cheñono morojäa pe!
¡Ejäa cheyemongeta reta jare chepɨa!
3Echa ndeporoparareko rupi aiko avei,
aiko jupi rupi neñee jeia rupi;
4mbaetɨ aguapɨ jovayoyavi vae reta ipɨte pe,
mbaetɨ aiko oporombotavɨ vae reta ndive.
5Amotareɨ jeko kavimbae vae reta iyemboatɨ;
¡mbaetɨi aguapɨ iyoa vae reta ipɨte pe!
6Ayepoe ma mbaeyoa güi,
jökorai ajata mɨmba oyeapɨ oñemee jese ndeve vae kotɨ, cheYa Tumpa.
7Atairarita mbaemboete pegua,
amoërakuata opaete mɨakañɨ reta reyapo vae.
8CheYa, che aaɨu ndetupao,
ndeyemboetea oïa.
9Agüɨye cheyuka iyoa vae reta ndive;
agüɨye tasusere oporoyuka vae reta ndive.
10Jae reta ipo tɨnɨe güɨnoi ikavimbae,
jare mbae oyemboepɨ vɨari vae jepɨgüe.
11Ërei che aikota jupi rupi;
¡chereepɨ, cheparareko!
12Apɨ̈ro aï ipe kavía pe;
¡amboeteta cheYa imbae vae reta oyemboatɨa pe!
Who We AreWhat We EelieveWhat We Do
2025 by iamachristian.org,Inc All rights reserved.
