ISAÍAS 13 - Guarani Bible with DC

Babilonia maratuta vae regua

1Isaías, Amoz taɨ oecha Babilonia maratuta vae regua

7Jáeramo, opaete vae ipɨtuta,

opaete vae ipɨa jëogüeta,

8okɨɨye yaeta vae,

ipɨatɨtɨ yaeta jare mbae jasɨ yae vae ombokepeguata

kuña imembɨrasɨ vae rami.

Omae oyoe yave, ipɨakañɨta oyoe,

echa jova iyu yaeta oyekuaa.

9Mase, oväe ma yandeYa iporojäa iara,

ara yavaetegüe jare arasɨ yae pegua,

oeyata ipombae ɨvɨ,

opata omokañɨtei chugüi iyoa vae reta.

10Yasɨtata reta jare ïru yasɨtata reta yatɨ yatɨ ara re ñogüɨnoi vae,

mbaetɨta ma omoembipe;

kuaraɨ oë tëi rupive opata ogüe,

jare yasɨ mbaetɨta ma omoembipe.

11YandeYa jei:

“Aiporaraukata kuae ɨvɨ pegua reta pe iyoa jeko pegua,

jare iTumpa potambae reta pe ikavimbae oyapo jeko pegua.

Amboapɨta iyemboete iyé vae reta güi iyemboete,

amomichita ipɨayemboete vae reta.

12Mbovɨ yaeta kuimbae reta ɨvɨ pe,

oro ikavi yae vae Ofir pegua mbovɨ yae rami.

13Echa, ara omokanata,

jare ɨvɨ osɨrɨta jenda güi,

chearasɨ aitɨta jókuae ara vae jeko pegua,

chearasɨ yaeta jókuae ara.

14Kuimbae reta, guasu oñemoñagüe ramita,

ani vecha opa oñemoai moai vae

mbaetɨ iyangarekoa vae ramita.

Metei ñavo oyerova yeta jëtaguasu ae kotɨ,

otekuaraita iɨvɨ ae kotɨ.

15Oipotagüe oñeväeka vae omanota kɨse pe,

oipotagüe oyepɨɨuka vae oyeyukaukata.

16Jovake reta etei imichia reta oyererokuaukata ɨvɨ re;

jo güi opata oñerenoe mbaembae,

jare jembireko ñavo re oyuvangata chugüi reta vae.

17Ambouta ikotɨ reta tëtaguasu Media pegua reta,

mbaetɨ oipotarai oro ani korepoti vae reta.

18Juvɨ pe oñɨvo retata michia reta,

oa ramo vae reta re ngaraa ipïri reta,

jaeramiño vi kunumi reta re.

19Babilonia, tëtaguasu reta omboete yae vae,

Caldeaɨgua reta oyembotuicha jare oyemboete jese vae,

opɨtata Sodoma jare Gomorra

che opa amboai vae rami.

20Ngaraa ye ma kia oiko pɨpe vae,

ngaraa kia ave oñemoëta pɨpe.

Árabe reta ave ngaraa oyembojeyupa pɨpe,

ani vecha iyangarekoa reta ave ngaraa ivecha omombutuu joko pe.

21Jokoropi oñemoëtata mbaeporou reta ñana rupigua reta,

o reta rupi oñemoëtata suindaño,

jokoropi oñemoëtata yandu retaño,

jare kavara ñana rupigua reta oyuvangata jokoropi.

22Mburuvicha jogüe reta pe

jare mburuvicha reta jo ikavi reta pe oyaeota aguarayaɨmba retaño.

Babilonia iara oyearo yae ma;

köi yae ma opa vaerä chugüi.”