MIQUEAS 1 - Guarani Bible with DC

Tumpa iporojäa Samaria re jare Jerusalén re

1YandeYa jei Miqueas, Moreset pegua pe, oechauka chupe Samaria jare Jerusalén regua; Judá pe oiko yave mburuvicharä: Jotam2 R 15.32-38; 2 Cr 27.1-7. iara pe, Acaz2 R 16.1-20; 2 Cr 28.1-27. iara pe jare Ezequías2 R 18.1—20.21; 2 Cr 29.1—32.33. iara pe.

2Peyeapɨsaka opaete vae;

peyeapɨsaka peï opaete kuae ɨvɨ pe peiko vae:

YandeYa jëta ikɨambaea güi,

tomae toï peré.

3Echa, yandeYa oëta jae oikoa güi,

jare ogüeyɨta ɨvɨtɨ guasu reta iárambo rupi.

4Jare jókuae ɨvɨtɨ guasu reta opata tɨkui

iraitɨ tataSal 97.5. pe oï rami,

jare ɨvɨtɨ päu ipe kavi vae reta opata oñemoɨ̈aka-soro,

ɨ oa ɨ̈vavira rupi rami.

5Opaete kuaekuae, Jacob iñemuña reta ipɨarai jare iyoa jeko pegua.

¿Mbae pa jae Jacob ipɨarai?

¿Jaeä pa tëta Samaria?

¿Kia pa jae Judá pegua mɨmba oyeyuka oyeapɨ jese vae reta?

¿Jaeä pa tëta Jerusalén?

6Jáeramo yandeYa jei:

“Opaeteita amboai mboai tëta Samaria,

uvaruparäño ikavita;

opata amoai chugüi ita reta ɨvɨtɨ päu rupi,

tëta iguapɨa opata oyemboyekuaa chugüi.

7Opaete mbae iä reta opata oyeyoka,

opaete ikorepoti reta opata ókai

jare opaete itumpa-raanga reta opata oyeyoka;

echa iyaguasa pota vae reta ikorepoti re ko kuae reta oyeapo,

jare iyaguasa pota vae reta ikorepotirä opa yeta ojo.”

Miqueas ipɨatɨtɨ

8Kuae re chepɨatɨtɨta jare cheräseta ayaeo,

chepɨgüɨraita jare chenandita aguata;

cheräse pukuta aiko aguarayaɨmba rami,

jare yandu oya ramo vae jäse rami.

9Echa Samaria ipere, okuerambae ko,

jare ou oväe Judá pe,

ou oväe cherëta jöke pe, Jerusalén pe.

10Agüɨye kuae pemombeu Gat pegua reta pe;

agüɨye vi peyaeo mbatee.

Peyapayere chugüi Bet-le-afra pegua ɨvɨkúi pe.

11¡Tëta Safir pegua reta, peota peɨvɨ güi

penandi reve jare pemara reve!

¡Tëta Zaanán pegua mbaetɨta ñogüɨnoe!

¡Tëta Bet-esel ipɨatɨtɨ jeko pegua mbaetɨta pemborɨ!

12Tëta Marot pegua reta ikɨ̈reɨ yae yogüɨreko kavi,

echa yandeYa imbaepuere rupi, ikavimbae ou oväe Jerusalén jöke pe etei.

13Peyokua pekäretou reta pekavayu reta re,

tëta Laquis pegua reta,

pe reta pemboɨpɨ peyoa Sión pe,

echa Israel iñemuña reta rami pepɨarai.

14Jáeramo, pemee mbota tëta Moreset-gat pegua reta pe;

tëta Aczib pegua reta yogüɨrekota ombotavɨ vaerä

Israel pegua mburuvicha guasu reta.

15YandeYa jei:

“Jekuaeñoi aru yeta,

ipɨau omaepɨ̈ro vae,

pe Maresa pe peiko vae reta re;

Israel pe jërakua yae vae reta otekuaraita Adulam kotɨ.

16Sión, eñeapi nderaɨ reta reaɨu yae vae re ndepɨatɨtɨ jeko pegua;

eyeapo guäpi iñäka rami,

echa opa oyereraja tembipɨɨrä ndegüi.”