EZEQUIEL 15 - Guarani Bible with DC

Jerusalén ko metei uva ikavimbae rami

1YandeYa jei cheve:

2“Nde kuimbae, ¿ikavi pa uva iɨ,

ïru ɨvɨra reta iɨ güi?

3Uva iɨgüe ikaviä etei ko mbaerä.

¡Mbaerendarä ave mbaetɨ ikavi!

4Oyeapɨ vaeräño ikavi.

Tata pe oñeñono yave,

jarembae voi opa ókai.

¿Mbaerä pa ikavita jayave?

5Ndei ókai mbove

mbaetɨ mbaerä ikavi.

¡Vɨtei pa añave opa ma ókai güire,

mbaetɨ ikavi mbaerä!

6Jáeramo che peYa jae körai:

Uva iɨ oyemombo tata pe ókai vaerä rami,

jökorai amombota Jerusalén pe yogüɨreko vae reta tata pe.

7Che tayovaicho jae reta ndive.

Otekuarai tëita tata güi,

ërei ïru tata omokañɨteita.

Ayovaicho ma jae reta ndive yave,

pe reta chekuaata che ko jae peYa vae.

8Jëtaguasu ipombae opɨtata,

mbaetɨ ramo oyapo reta che jaegüe vae.

Che peYa Tumpa jae.”