1¡Paravete, ɨvɨ ñatíu ipepo jɨapu oyeendu pɨpe vae,
jókuae ɨvɨ oï EtiopíaSof 2.12. iɨ̈aka güi kutɨ ye vae,
2omondo ñee jerajaa reta ɨguasu rupi vae,
ɨ̈aka rupi kanoa käipepe pegua pe vae!
Pekua, ñee jerajaa iñäkua vae reta,
kuimbae ñaguanau ipuku vae reta pɨri,
ikɨɨyea yae avei reta opaete ketɨ rupi vae,
imbaepuere yae jare oporomoamɨri avei vae reta,
iɨvɨ rupi ɨ̈aka katuai vae reta.
3Pe reta, opaete ɨvɨ pegua reta,
bandera oñemopüa ɨvɨtɨ re yave pemae jese,
jare mimbɨguasu oñemoñee yave peyeapɨsaka jese.
4YandeYa jei cheve:
“Che aïa güi amae pɨagüive aï jese reta,
kuaraɨ jembipeasɨ ama opoo ramo yave rami,
mbaarɨvo iara pe araku yave,
oime amapɨtu okɨta vae rami.
5Opa ma mbaepotɨ oasa yave,
temitɨ ia yagüɨye ma yave,
ërei ndei tenondegua mbaagüɨye oyepoo mbove,
reitɨota temitɨ jäka reta kɨse raɨ pe,
reyasɨata jare rembosɨrɨta.
6Jare opata oyeeya güɨra reta ñana rupigua pe,
jare mɨmba reta ñana rupigua peguarä.
Joko pe güɨra reta omboasata araku iara,
jare joko pe omboasata iroɨ iara mɨmba ñana rupigua reta.”
7Jókuae ara,
kuimbae ipuku jare jundaiasɨ vae reta,
ikɨɨyea yae avei reta opaete ketɨ rupi vae,
imbaepuere yae jare oporomoamɨri avei vae reta,
iɨvɨ rupi ɨ̈aka katuai vae reta,
güeru retata mbota yandeYa Imbaepuere yae ete vae pe.
Güeru retata ɨvɨtɨ Sión pe,
yandeYa Imbaepuere yae ete vae jee oñeenɨia pe.
Who We AreWhat We EelieveWhat We Do
2025 by iamachristian.org,Inc All rights reserved.
