1YandeYa jei cheve:
2“Nde kuimbae, emae Israel pegua ɨvɨtɨ reta kotɨ, jare emoërakua ikotɨ reta maratuta oasa vae.
3Körai ere chupe reta: ‘Ɨvɨtɨ reta Israel pegua, peyeapɨsaka yandeYa Tumpa iñee re, ɨ̈vɨa reta, ɨ̈aka reta jare ɨvɨtɨ päu ipe kavi vae reta: Aruta perupi ñeraro jare opata amboai mbaemboetea ɨvatea re oï reta vae.
4Opata amboai mɨmba oyeyuka oyeapɨ jese vae, kuaraɨ iä penoi vae opata ayoka, jare kuimbae reta ayukaukata itumpa-raanga reta jóvai.
5Israel iñemuña reta jëogüegüe añonota itumpa-raanga reta jóvai, jare ikägüegüe reta amoaita mɨmba oyuka omee jese vae iyɨ́vɨri rupi.
6Oipota rupi peikoa rupi tëta guasu reta oyemboaita, jare pembaemboetea ɨvatea reta rupi oï vae oyemboaita. Mɨmba peyuka peapɨ pemee jese vae opaeteita oyemboai, petumpa-raanga reta, kuaraɨ iä penoi vae opata oyemboai; opaete mbae peyapogüe oyemboaita.Lv 26.30-31.
7Peecha ma jeta omano pepɨte pe vae yave, peikuaata che ko jae peYa vae.
8Ërei mbovɨ che aroasayepeta mano güi oikoveño vaerä; kuae reta opata amoai moai ïru tëtaguasu reta rupi.
9Kuae aroasayepegüe reta imaenduata cheré ïru tëtaguasu reta pe oyererajaukaa pe; imaendúa retata cheré, aiporarauka chupe reta vae re, mbaetɨ ramo jupi yogüɨreko cheve, jare omboete reta ramo tumpa-raanga reta. Jae reta imarata iyeugüi aeño, oyapo mbae ikavimbae yae vae jeko pegua.
10Jayave chekuaata che ko jae peYa; kërai amoërakua mbae ikavimbae ambou vaerä yave oyembopo, mbaetɨ ko aporomomburuiño.’ ”
11YandeYa jei cheve: “Eäpiro, eyoko yoko neäka, neräse Israel pegua reta ikavimbae yae oyapo vae re, echa ñeraro pe, karuai pe jare mbaerasɨ ovakatu vae rupi omano retata.
12Mombɨrɨ ñogüɨnoi vae omanota mbaerasɨ ovakatu vae rupi, köiño oï vae omanota ñeraro rupi jare jembɨregüe karuai oyukata. Jökorai chearasɨ aitɨta jese reta.
13Jökorai chekuaata, che jae ko peYa, peecha yave tëogüe reta petumpa-raanga reta ipɨte rupi, mɨmba peyuka peapɨ pemee jese vae iyɨ́vɨri rupi, ɨvɨtɨ raɨ reta ikúa rupi, ɨvɨtɨ reta iyapɨte rupi, ɨvɨra reta iküaraɨa kavía rupi, ɨvɨra encina jee vae igüɨ rupi, ikäti kavi vae incienso peapɨ opaete petumpa-raanga reta pe vaea rupi.
14Amopüata chepo ikotɨ reta, aiporarauka vaerä chupe reta; opaete kerupi yogüɨrekoa rupi, aeyata ipombae ñuu arayevɨ kotɨ güive Diblat pe ɨvɨtuguasu kotɨ. Jayave oikuaa retata che ko jae iYa vae.”
Who We AreWhat We EelieveWhat We Do
2025 by iamachristian.org,Inc All rights reserved.