1YandeYa jei cheYa pe:
“Eguapɨ cheakatu kotɨ,
nderovaicho reta opa regua añono ndepɨ igüɨ pe.”
2Sión güi yandeYa ombouta ndeve popoka mborookuai pegua;
¡enoi mbaepuere nderovaicho reta re!
3Nerëtaɨgua reta oñemeeta ndeve ikɨ̈reɨ ngatu reve,
renoi ma mbaepuere yave,
ɨvɨtɨ oñeñono teea pe.
Köembipe pegua ɨsápɨi rami, ara ñavo ndetaɨrusuta.
4YandeYa jei jee re ae, jare ngaraa oipoepɨ iyemongeta:
“Nde ko jae sacerdote reiko avei vaerä,
Melquisedec rami.”
5YandeYa oï ndeakatu kotɨ;
iyarasɨ iara pe, jae omokañɨteita mburuvicha guasu reta;
6ojäata tëtaguasu reta,
omotɨnɨeta tëogüe pe;
¡oyokata äka reta opaete ɨvɨ rupi!
7Oɨuta tape rupi ɨ̈aka raɨ güi,
jókuae ɨ omoäta ngatu yeta.
Who We AreWhat We EelieveWhat We Do
2025 by iamachristian.org,Inc All rights reserved.
