1CheRu Tumpa,
romee yasoropai ndeve;
echa köi yae ko reï,
kuimbae reta omoërakua
ndembaepuere tuicha yae vae re.
2YandeYa jei:
“Ara ambojeea pe,
aporojäata jupi rupi.
3Ɨvɨ okana opaete pɨpe yogüɨreko vae reta ndive yave,
che ko ayoko iguapɨka reta.”
4Yarakuaambae reta pe jae:
“Agüɨye peyemboarakuaambae.”
Jare iyoa reta pe jae: “Agüɨye peyembotuicha.”
5“Agüɨye peyembotuicha pembaepuere re,
agüɨye pemiari pepɨarai reve.”
6Echa yemborɨ mbaetɨ ko ou
kuaraɨ oëa kotɨ güi ani kuaraɨ oikea kotɨ güi ani ñuu kotɨ güi.
7Echa Tumpa ko jae mburuvicha oporojäa vae,
jae oporomomichi jare jae oporombotuicha.
8Echa yandeYa ipo pe güɨnoi kopa iyarasɨ pegua,
jare vino jayasɨ rai yae oï.
Jae opɨyere yave, opaete iyoa vae reta oɨuta jese,
opaetei regua omotini.
9Ërei che amoërakua aveita Jacob iTumpa regua,
jare atairarita chupe mbaemboete.
10Echa jae omokañɨta iyoa vae reta imbaepuere,
ërei jupi vae reta pe oñemoïruta imbaepuere.
Who We AreWhat We EelieveWhat We Do
2025 by iamachristian.org,Inc All rights reserved.
