1Agüɨye nerägüɨro nderembireko re,
reipotaä reñátai mbae pɨ̈chɨi vae oyapo vaerä ndekotɨ yave.
2Agüɨye eñeapɨti metei kuña re,
repɨ̈rouka vaerä ndeyé chupe.
3Agüɨye eya kuña ambuae vae re,
reipotaä rea ipo pe yave.
4Agüɨye erovia katu mbatee metei ñengarɨ,
reipotaä ndepɨɨ jɨmasa pe yave.
5Agüɨye emae mbatee kuña jaegüɨrai vae re,
agüɨye vaerä ndembaeyoa jae ndive jare remboepɨ ndembaeyavɨ.
6Agüɨye eñemee kuña imbokere vae pe,
reipotaä renoigüe remokañɨtei yave.
7Remae jese yave neäka okañɨta,
jare reo jëta pe yave rekañɨteita.
8Embosɨrɨ nderesa kuña ikavi vae güi,
agüɨye emae mbae kavi ndeveguambae re.
Kuña reta re jeta ko okañɨtei vae;
iporoaɨu tata rami ko oporoapɨ.
9Agüɨye ekaru metei kuña ime vae ndive;
agüɨye eguapɨ ekau jae ndive,
echa ipuere ndeyembokate jese,
jare remboepɨta nderekove pe.
Ñoïru reta10Agüɨye emombo ñochëi ñɨmagüe,
echa metei ipɨau vae ngaraa jae omboyovake.
Ñochëi ipɨau vae vino ipɨau vae rami ko:
Emaeño tiñɨma räri, joko güi jeu kuri.
11Agüɨye emotareɨ jeko kavimbae:
Mbaetɨ ko reikuaa yerae outa iara vae.
12Agüɨye eñemɨro iyaguara vae oiko kavi vae re;
eyemongeta omano yave ko oiporarata vae.
13Esɨrɨ kia mbaepuere güɨnoi oporoyuka vaerä vae güi,
jare ngaraa rekɨɨye reiko mano güi.
Jare reeya ko ikotɨ yave, agüɨye emomarai,
reipotaä nderekove oekɨ ndegüi yave.
Nemaendúa katu ñuai pɨte rupi ko reguata reï vae,
jare pɨsa pɨte rupi vi reguata reï.
14Nemiari nderapicha ndive ikavi ndepueregüe pe,
jare eñochëi yarakuaa vae reta ndive.
15Eikuaauka ndeyemongeta yarakuaa vae reta pe,
jare eiparavo chugüi reta nechëirä ikavigüe.
16Ndeatɨ ekaru oporomboete vae reta ndive,
jare nde nepörangarä toiko Tumpa remboete vae.
17Iyarakuaa katu vae reta ipo pe oï kavi jupi vae,
jare iyarakuaa vae güɨroata jeta.
18Kia imiari kavi mbae güi yakɨɨyeta ko,
echa iyuru pe jae jeigüe ave ko oporomopɨamii.
Who We AreWhat We EelieveWhat We Do
2025 by iamachristian.org,Inc All rights reserved.
