ÉXODO 22 - Guarani Bible with DC

Mbae oyemboekovia ye vae regua mborookuai reta

1Kia nunga vae oñomi yave güeye ani vecha, jare oyuka ani omee yave, jókuae güeye re tomboepɨ pandepo güeye, jókuae vecha re tomboepɨ irundɨ vecha.

2Imonda vae oyepokou o oïraro oï yave, oñenupauka jare omano yave, jókuae oporonupa vae agüɨye tijeko imano re.

3Ërei ara pe ko yave, jókuae oporonupa vae tijeko imano re.

Imonda vae tomboepɨ opaetei oñomi vae jepɨgüe, ërei mbaetɨ yave güɨnoi korepoti, jae etei toñemee jókuae oñomigüe jepɨrä.

4Mɨmba oñomigüe oñeväe yave, ipo pe jekove reveño, güeye, mburika ani vecha yave, tomboepɨ metei yoarambo ye.

5Kia nunga vae omongaru yave jɨmba, kó pe ani uvarupa pe jare omoinge yave ïru vae iko pe, tomboepɨ jɨmba ikaru, iko ikavigüe pe ani iuvarupa ikavigüe güi.

6Kia nunga vae omoendɨ yave tata, jare ɨtɨ oapɨta tëi yave jendɨ trigo oyemboatɨ oï vae, ani oyearɨvota oï vae ani opaete kó, jókuae omoendɨ tata vae, tomboepɨ jókuae opa ókai vae.

7Kia nunga vae omee yave japicha pe korepoti ani mbae jepɨ vae, oñovatu vaerä chupe, jare okañɨ yave jókuae kuimbae jo güi, jare jókuae imonda vae oñeväe yave, tomboepɨ metei yoarambo ye;

8ërei mbaetɨ oñeväe yave, jayave o iya toyereraja oporojäa vae reta jóvai, oyekuaa vaerä jae mbaetɨ ra japicha oeya chupe vae re opoko vae.

9Kia nunga vae oyemombae yave mbae okañɨgüe re: Güeye, mburika, vecha, temimonde re, jare kia nunga vae ou jei jae imbae ko yave, kuae reta toyereraja oporojäa vae reta jóvai, jare oporojäa vae reta teko oväe jese vae tomboepɨ metei yoarambo ye japicha pe.

10Kia nunga vae omee yave japicha pe mburika, ani güeye, ani vecha ani oipotagüe mɨmba oyangareko vaerä jese chupe, jare kuae mɨmba omano yave, ani japicha maratu oyapo yave, ani oñeomi yave chugüi kia oechambae reve,

11yandeYa jee re tei jókuae mɨmba iya pe, mbaetɨ ko opoko jese vae, jare mɨmba iya togüɨrovia kuae jei chupe vae, jare agüɨye tomboepɨuka chupe.

12Ërei oñeomi yave chugüi jae oikuaa tëi reve, tomboepɨ iya pe.

13Jare mbae pochɨ vae oyuka chugüi yave, togüeru toechauka iya pe, agüɨye vaerä omboepɨ.

14Kia nunga vae oiporu yave japicha güi mɨmba, jare maratu ani omano yave iya oechambae reve, oiporu vae tomboepɨ iya pe;

15ërei iya jovake jökorai yave, agüɨye tomboepɨ. Jepɨ re oiporuka yave, jokuaeño tomboepɨ chupe.

Mborookuai reta kuimbae reta regua

16Kia nunga vae ombotavɨ yave kuñatai ndeiño omenda vae, oke jae ndive yave tomboepɨ jókuae, jare tomenda jae ndive.

17Ërei tu mbaetɨ oipota omee chupe yave, tomee korepoti, kuñatai ndeiño kuimbae ndive oasa vae oyemboepɨ rami.

18Kuña imbaekuaa vae agüɨye pemaeño toikove.

19Kia nunga vae oasa mɨmba ndive vae, tomano.

20Mɨmba oyuka omee ïru tumpa reta pei yandeYa güi vae, tomano.

21Agüɨye pembotavɨ jare peiporarauka ketɨgua reta pe, echa pe reta ketɨgua ko peikose ɨvɨ Egipto pe.

22Agüɨye metei ave imemano vae pe jare tɨ̈reɨ pe peiporarauka,

28Agüɨye pere mbae jasɨ katu vae oporojäa vae reta kotɨ, agüɨye ave vi pere ñee ikavimbae perëta ruvicha reta kotɨ.

29Agüɨye peäro peru vaerä cheve mbota pembaagüɨyerɨpɨ güi jare peuva tɨgüegüe güi.

Peraɨrɨpɨ pemeeta cheve,

30jökoraita vi peyapo peguaka jare pevecha imembɨrɨpɨ kuimbae; chiu ara toñogüɨnoi ichɨ reta ndive jare juría ara pe peñono tee cheve.

31Peñeñono tee cheveguarä.

Agüɨye peu mɨmba pochɨ vae ñana rupigua jembiagüe;Lv 17.15. pemombo yaɨmba reta pe.