1¡Tamboete cheYa, opaete chepɨa ndive!
Jupi vae reta oyemboatɨ vae ndive.
2YandeYa jembiapo reta tuichagüe ko,
oaɨu vae reta jókuae oeka.
3Ipöra yae ete ko jae jembiapo reta,
jare imbaejupi jekuae avei vae ko.
4Ñaneakañɨ rapembae ko mɨakañɨ reta oyapogüe güi.
YandeYa, iyeaeä jare iporoparareko vae ko;
5oipoɨu chugüi vae reta pe omee tembíu;
¡imaendúa aveita, morogüɨrökuavee päve oyapo vae re!
6Imbaepuere oechauka imbae vae reta pe, jembiapo reta rupi,
omee ramboeve chupe reta tëtaguasu reta iɨvɨ.
7Tumpa jembiapo reta jupi jare añete ko,
opaete iporookuai reta jupi ko,
8oñono ko jekuae avei pegua,
oyapo ko añete rupi jare jupi rupi.
9Oepɨ imbae vae reta,
oñono iporogüɨrökuavee päve jekuae avei pegua.
Jee ikɨambae jare ikɨɨyea ko.
10YandeYa güi yaipoɨu vae re ko oï arakuaa katu;
yarakuaa katu ko, opaete oyapo yandeYa iporookuai reta vae.
¡Tumpa oyemboete aveita ko!
Who We AreWhat We EelieveWhat We Do
2025 by iamachristian.org,Inc All rights reserved.
