1Oyemboeta chupe vae oyembopɨa täta yave,
güɨramoiño okañɨteita, mbaetɨta kia oepɨ vae.
2Jupi vae reta ñogüɨnoi mburuvicharä yave, tëta pegua reta oyerovia katu,
ërei jupimbae reta ñogüɨnoi mburuvicharä yave, tëta pegua reta oiporara yae.
3Oaɨu arakuaa vae, omboyerovia tu,
ërei oapeko iyaguasa pota vae, opata imbaembae omokañɨtei.
4Mburuvicha guasu jupi rupi kavi oiko vae, omomɨ̈rata jëtaguasu,
ërei okovara reteiño opaño mbaembae re vae, omboai jëtaguasu.
5Iñee-yukɨ japicha pe vae,
ñuai ko oñono güɨnoi japerä pe.
6Jeko kavimbae, oata iyoa pe aeño,
ërei jupi rupi oiko vae, otairarita oyerovia reve.
7Jupi vae oikuaa kërai ko paravete vae reta yogüɨreko vae,
ërei jupimbae, mbaetɨ omae jókuae re.
8Oporoyóyai yóyai vae reta omboarasɨuka tëta guasu,
ërei yarakuaa vae reta omoröɨsa arasɨ.
9Yarakuaa vae, oyoaka yarakuaambae ndive yave,
yepe tëi iyarasɨ ani opuka, ngaraa oñono kavi teko.
10Oporoyuka vae reta güɨröɨro jupi vae,
ërei jupi vae reta, oeka kërai ombopɨa katu vaerä.
11Yarakuaambae, pochɨ rai yae iyarasɨ yave,
ërei yarakuaa vae, oyembopɨaguasu pochɨ yave.
12Mburuvicha oyeapɨsaka yave apu re,
opaete imborɨa reta pe oyavɨukata ko.
13Paravete vae jare imbaeyuvanga vae, oyovakeño ko;
opareve pe yandeYa omee tekove.
14Mburuvicha guasu oporojäa jupi rupi kavi paravete vae reta re vae,
iporookuaía oikota jekuae avei pegua.
15Chikote jare yembosɨmbi rupi ou arakuaa,
ërei michia re oñemaeiño vae, ichɨ omomaraiuka ko.
16Jeta yae jupimbae reta yave, jeta yae ko mbaeyoa,
ërei jupi vae reta, oechata jókuae reta isusere.
17Emboarakuaa nderaɨ, jare reiko pɨagüiveta,
jare ndemboyerovia yaeta.
18Kuimbae reta mbaetɨ yave oeka Tumpa jemimbota, yogüɨreko ikavimbae rupi,
ërei Tumpa iporookuai oyapo vae reta oyerovia katu.
19Tembiokuai mbaetɨ oyembosɨmbi ñee kavi rupi,
echa yepe tëi oikuaa, ërei mbaetɨ oyapo.
20¿Reecha pa kuimbae jae räri räri voi iñee omoë vae?
Chugüi, yarakuaa mbae re ikaviñota yayeko vaerä.
21Tembiokuai, michi güive iya ombokuakuaa ñee yeaeä rupi vae,
taɨkue rupi oikota imbaeyekou iyarä.
22Iyarasɨ rai vae, oporomoñerarouka katu ko,
iyarasɨ katu vae, oa katu mbaeyoa pe.
23Kuimbae ipɨapochɨ vae, oñemomichiuka,
ërei ñemomic hi rupi oiko vae, oyemboeteuka.
24Imonda vae omborɨ katu vae, jekove kotɨ aeño ko oyovaicho,
echa yepe tëi oñeengata chupe omombeu vaerä, ërei mbaetɨ omombeu.
25Kuimbae güiño yaipoɨu vae, ñuai rami ko,
ërei yandeYa reño oyeko vae, oyemboeteukata ko.
26Jeta vae oeka mburuvicha iporomborɨ,
ërei yandeYa güi ko ou morojäa metei ñavo pe.
27Jupi vae reta güɨröɨro kuimbae jeko kavimbae reta,
jare jupimbae güɨröɨro kuimbae sɨmbi rupi oiko vae.
Who We AreWhat We EelieveWhat We Do
2025 by iamachristian.org,Inc All rights reserved.