2 SAMUEL 16 - Guarani Bible with DC

David imiari Siba ndive

1Jare David oasamí ma ɨvɨtɨ yave, ko ou oövaiti2 S 9.9-10. Siba, Mefi-boset jembiokuai. Güɨraja mókoi mburika kuimbae ivoɨta reve reve, güɨraja dosciento mbɨyape, cien iɨ uva ia oñemotini oyeapasogüe, cien ipe ɨva oñemotini oyeapasogüe, jare vino metei jɨru.

2Jare mburuvicha guasu jei Siba pe:

—¿Maera pa reru kuae?

Jare Siba jei:

—Kuae mburika reta ko mburuvicha guasu jo pegua reta opo jese vaerä, jare kuae mbae ia oñemotinigüe reta ko sundaro reta jou vaerä jare vino ko jou vaerä ñuu rupi ikangɨ vae reta.

3Jare mburuvicha guasu jei:

—¿Jama pa Mefi-boset, ndeya jɨmɨmino?

Jare Siba jei:

—Opɨtaño Jerusalén pe, echa oyemongeta Israel iñemuña reta omboguapɨta mburuvicha guasurä tamɨigüe Saúl jekovia pe.

4Jayave mburuvicha guasu jei Siba pe:

—¡Jökoraita ko aipo! Ndembae ko añave opaete Mefi-boset imbaembae.

Jayave Siba oyetavatɨka jare jei:

—Mbae mona ndepɨakatu avei chekotɨ cheruvicha guasu.

5Jare mburuvicha guasu David ojo oväe tëta Bahurim pe yave, oë joko güi oövaiti metei kuimbae Saúl jëtara vae jei reve ñee jasɨ katu vae ikotɨ; jókuae kuimbae jee Simei, Gera taɨ

6oyapi ita pe David jare opaete iyɨvɨrigua reta; yepe tëi oñova güɨreko iyangarekoa reta,

7Simei jei ñee jasɨ katu vae ikotɨ, körai:

—¡Ekua kuae güi kuimbae iporoyukase vae jare jeko kavimbae vae!

8¡YandeYa ko omboepɨ oï añave ndeve opaete ikavimbae reyapo Saúl jo pegua reta kotɨ reiko vaerä mburuvicha guasurä jae jekovia pe vae re! ¡Añave, yandeYa ko omee mborookuaía nderaɨ Absalón pe; jare nde añave oyeapa nderé ikavimbae, echa nde ko kuimbae iporoyukase vae!

9Jayave Abisai, Sarvia imembɨraɨe jei mburuvicha guasu pe:

—¿Maera pa kuae yaɨmba rëogüe pochɨ jei ñee jasɨ katu vae ndekotɨ? ¡Emaeño taja iñäka tayasɨa!

10Ërei mburuvicha guasu jei chupe:

—Sarvia imembɨraɨe reta, kuae teko mbaetɨ ko pe reta ndive. Güɨramoi yandeYa oyókuai jei vaerä cheve kuae ñee jasɨ katu vae, jökorai ko yave, ¿kia pa mbae jeita chupe?

11Jayave David jei Abisai jare opaete isundaro ruvicha reta pe:

—Mase, cheraɨ chegüi oë vae viña pa chemomburu oiko, ¡vɨtei pa kuae Benjamín iñemuña pegua! ¡Pemaeño tei cheve ñee jasɨ katu vae, güɨramoi yandeYa ko oyókuai!

12Güɨramoi yandeYa oecha chepɨatɨtɨ yave iporerekuata cheré, kuae ñee jasɨ katu vae aendu aï vae jekovia pe.

13David jare imborɨa reta jekuae güɨrave yogüɨraja yogüɨreko, ërei Simei jekuae güɨrave vi ojo oiko ɨvɨtɨ ikúa rupi jae reta re katu, jei reve ñee jasɨ katu vae jare oyapi reve ita pe jare omoätati reve ɨvɨ ipo pe.

14Jare mburuvicha guasu jare jupiegua reta ikangɨ yae opa yogüɨraja oväe ɨ̈aka Jordán pe, jare oputuu reta joko pe.

Absalón oike Jerusalén pe

15Absalón oike Jerusalén pe opaete jupiegua reta ndive, Israel iñemuña reta jae ndive yogüɨreko vae, jare Ahitofel vi.

16Jare arquita Husai David ivɨa-ïru oë oövaiti Absalón osapúkai jare oyepopete reve jese.

17Jayave Absalón oparandu chupe:

—¿Körai pa ndeporoaɨu reechauka ndevɨa-ïru pe? ¿Maera pa reoä ndevɨa-ïru ndive?

18Jare Husai jei chupe:

—Mbaetɨ chepuere, chekɨ̈reɨ apɨta yandeYa jembiparavo ndive jare opaete Israel iñemuña reta oiparavo vae ndive.

19Jare ïru mbae ye jae ko, chevɨa-ïru taɨ pe tayeokuai. Nderu pe ayeokuai rami tayeokuai ndeve.

20Jaɨkue rupi Absalón oparandu Ahitofel pe:

—¿Mbae pa ndeyemongeta yayapo vaerä?

21Jare Ahitofel jei Absalón pe:

—Epoko nderu jembireko reta re, jókuae kuña reta jae güɨrekoiño vae, oeya oyangareko reta vaerä o re vae reta re. Jare opaete Israel pegua reta oendu reñemotareɨuka yae ma nderu pe yave, oñemoäta ngatuta opaete nde ndive ñogüɨnoi vae reta.

22Jayave oñono reta o iárambo Absalón pe o guakapi pegua, jare joko pe Absalón opoko opaete tu güɨrekoiño kuña vae reta re, opaete vae reta jovake,2 S 12.11-12.

23echa jókuae ara rupi, Ahitofel pe oparandu mbae re yave vae, Tumpa pe etei oparandu rami oyapo reta; jökorai Ahitofel iporomboarakuaa David pe jare Absalón pe.