1CheRu Tumpa, ore etei ko roendu,
oreru reta imiari oreve vae,
arakae yave reyapo jae reta iara pe vae re.
2Ndembaepuere pe renoe remombo ïru tëtaguasu reta,
reiporarauka tëta reta pe,
jökorai opa renoe remombo,
jare oreñemuñagüe reta reñono joko pe.
3Echa mbaetɨ opɨ̈ro reta kuae ɨvɨ ikɨsepuku ae pe,
mbaetɨ ko iyɨva pe ave oyeepɨ reta.
¡Jaeño ko ndeyɨva jare ndembaepuere rupi!
¡Jembipe reyekuaa vae rupi,
echa nde reaɨu yae reta!
4¡CheRu Tumpa, nde jae ko cheruvicha guasu!
Nde reroasayepe Jacob iñemuña reta.
5Ndembaepuere rupi romoamɨri orerovaicho reta;
¡nderee re, oporepeña orekotɨ vae reta re opa ropɨ̈ro!
6Echa ngaraai ayerovia chegüɨrapa re,
chekɨsepuku ave ngaraa chereroasayepe;
7echa nde oreövatu orerovaicho reta güi,
jare remomaraiuka oremotareɨ vae reta.
8¡Nde oreTumpa re royembotuichata opaete ara rupi,
jare nderee romboete aveita jekuae avei rupi!
9Ërei ngatu oremombo jare oremomaraiuka.
Mbaetɨ ma reo oresundaro reta ndive.
10Orembotekuaraiuka orerovaicho reta pe,
jare oremotareɨ vae reta opa opɨ̈ro orembaembae güɨraja iyeupe.
11Oremee vecha reta oyereraja mbaeyukaa pe rami;
opa oremoai moai tëtaguasu reta rupi;
12remeeiño ndembae vae reta,
mbaetɨ etei rekovara kërai ave yepe.
13Oremomaraiuka orerëta-ɨpɨ pegua reta pe,
oreyóyai yoyaiuka oreɨvɨrigua reta pe.
14Oreñono tëtaguasu reta iñeerä;
orereecha reta yave, ombovava iñäka omae oreré.
15Ara ñavo aiko ñemomarai rupi;
cherova kërai cheapo,
16cherovaicho jei jare oeka ikavimbae
oyapo vaerä cheve vae jeko pegua,
tovaicho jare iyepɨse vae jeko pegua.
17Opaete kuaekuae reta ou oreve,
ërei mbaetɨi oreakañɨ ndegüi,
mbaetɨ vi royavɨ ndeporogüɨrökuavee päve.
18Mbaetɨ orepɨa opia ndegüi,
mbaetɨ vi ropia nderemimbota güi.
19Ërei ngatu nde oreñono mbaeporou jenda pe.
¡Oreñono romano rape katúa pe!
20Oreakañɨ yave mona nderee güi oreTumpa,
ani roupi orepo romboete vaerä tumpa ambuae,
21¿mbaetɨta ra reikuaa kuae re?
Echa nde reikuaa ko opaete mbae oñemi oï kuimbae ipɨa pe vae.
22Ërei nderé rogüɨrovia jeko pegua,
yemomburu rupi roiko ara ñavo;
oyemongeta reta oreré vecha oyeyukata mbaeyukaa pe vae re rami.
23¿Maera pa reke cheYa? ¡Epa!
¡Epa, agüɨye eyembosɨrɨ oregüi jekuae avei pegua!
24¿Maera pa orereeya,
jare neakañɨ orepɨatɨtɨ reta güi,
jare roikoasɨ katu vae güi?
25Echa orembokangɨ yae ma ko,
oremboyapayerei ɨvɨ rupi.
26¡Epüa oremborɨ, jare orereepɨ ndeporoparareko jeko pegua!
Who We AreWhat We EelieveWhat We Do
2025 by iamachristian.org,Inc All rights reserved.
