1Tëta guasu Jericó oyeokenda oï, oyeokenda kavi yae oï Israel iñemuña reta jeko pegua; mbaetɨ etei kia ave oike vae ani oë vae.
2Ërei yandeYa jei Josué pe: “Mase, che amee Jericó ndepo pe, jare joko pegua mburuvicha guasu opaete kuimbae ñeraro regua ndive.
3Opaete kuimbae ñeraro regua reta, peyere tëta guasu re metei vese ara ñavo; ova ara peyapo kuae.
4Jare chiu sacerdote togüɨraja chiu mimbɨ vecha kuimbae-räti pegua Tumpa ikäjou jenonde; jare chiúa ara pe peyere chiu ye tëta guasu re, jare sacerdote reta tomoñee mimbɨ reta.
5Peendu omoñee puku reta mimbɨ vecha kuimbae-räti pegua yave, opaete vae tosapúkai täta, jare tëta guasu ikësea osururuta; jayave opaete vae metei ñavo toyeupi sɨmbi jenonde kotɨ.”
6Jayave Josué Nun taɨ oenɨi sacerdote reta, jare jei chupe reta: “Peraja Tumpa ikäjou morogüɨrökuavee päve pegua, jare chiu sacerdote togüɨraja mimbɨ vecha kuimbae-räti pegua yandeYa ikäjou jenonde.”
7Jare opaete vae pe jei: “Pekua peyere tëta guasu re; tembiporu ñeraro pegua güɨnoi vae reta, toyogüɨraja yandeYa ikäjou jenonde.”
8Jökorai Josué opa ma imiari opaete vae pe yave, jókuae chiu sacerdote güɨraja chiu mimbɨ vecha kuimbae-räti pegua yandeYa ikäjou jenonde, jare omoñee reta mimbɨ; jare yandeYa ikäjou oyereraja jae reta jaɨkue.
9Jare tembiporu ñeraro pegua güɨnoi vae reta yogüɨraja sacerdote reta temimbɨ imoñeea jenonde, jare kuimbae taɨkue kotɨ oporoäro vae reta yogüɨraja käjou jaɨkue, temimbɨ oñee ramboeve opɨtambae etei.
10Jare Josué oyókuai opaete vae, jei reve: “Pe reta agüɨye pesapúkai, peñee ave agüɨye pemoë; ‘¡pesapúkai!’, jae peve yave ramo, pesapukaita.”
Jericó oyemboai11Jayave Josué omondo güɨroyereuka metei vese yandeYa ikäjou tëta guasu re, javoi yogüeru reta ye teyupa pe, joko pe omboasa reta pɨ̈tu.
12Pɨareve pe Josué opüa ndeimbove yave, jare sacerdote reta ovoɨ yandeYa ikäjou.
13Jókuae chiu sacerdote reta güɨraja chiu mimbɨ vecha kuimbae-räti pegua yandeYa ikäjou jenonde, oguata reta tenonde omoñee reve temimbɨ. Tembiporu ñeraro pegua güɨnoi vae reta yogüɨraja jae reta jenonde, jare kuimbae taikue kotɨ oporoäro vae reta yogüɨraja yandeYa ikäjou jaɨkue, temimbɨ oñee ramboeve opɨtambae etei.
14Jökorai oyere reta ye tëta guasu re mokoía ara pe, jare oyerova reta ye teyupa pe; körai oyapo reta ova ara rupi.
15Jare chiúa ara pe opüa reta ndeimboveasɨ, jare oyere reta tëta guasu re tenonde yave oyapo reta rami; jókuae ara oyere reta jese chiu ye.
16Sacerdote reta chiúa ma omoñee reta temimbɨ yave, Josué jei opaete vae pe: “¡Pesapúkai! Echa yandeYa omee ma peve kuae tëta guasu.
17Kuae tëta guasu, yandeYa oñono tee kañɨtei peguarä,
27YandeYa oiko Josué ndive, jare jee jërakua opaete ɨvɨ rupi.
Who We AreWhat We EelieveWhat We Do
2025 by iamachristian.org,Inc All rights reserved.
