1YandeYa jei Moisés pe:
2“Eyapo ndeyeupe mókoi mimbɨguasu korepoti pegua; martillo pe oyeapo vae eyapo, pɨpe remboatɨ vaerä opaete vae, pɨpe vi toyemombeu omboɨpɨ reta vaerä oguata.
3Oñemoñee yave mókoi reve, opaete vae toyemboatɨ nderóvai tupao guakapi pegua ikësea jöke pe.
4Ërei oñemoñee yave meteiño, toyemboatɨ nderóvai tenondegua retaño, opaete Israel iñemuña juvicha reta.
5Oñemoñee pɨi pɨi yave sapúkai reve, jayave kuaraɨ oëa kotɨ oyembojeyupa vae reta tomboɨpɨ toguata.
6Jare mokoía ma oñemoñee pɨi pɨi yave sapúkai reve, jayave arayevɨ kotɨ oyembojeyupa vae reta tomboɨpɨ toguata. Körai toñemoñee reta omboɨpɨ reta vaerä oguata.
7Opaete vae oyemboatɨ vaerä toñemoñee, ërei agüɨye toñemoñee pɨi pɨi sapúkai reve.
8Sacerdote reta, Aarón taɨ reta tomoñee jókuae mimbɨguasu reta. Topɨta peve kuae mborookuai jekuae avei pegua.
9Jare peɨvɨ pe ma peiko yave, peë peñeraro perovaicho oporepeña peré vae reta ndive yave, toñemoñee pɨi pɨi sapúkai reve mimbɨguasu reta; peYa Tumpa imaenduata peré, jare pereepɨta perovaicho reta güi.
10Toñemoñee pearete iara pe, yasɨ oyemboɨpɨ ñavo pe, mɨmba oyeyukagüe opaetei oyeapɨ yave, jare mɨmba oyeyukagüe yembopɨakatu pegua oñemee yave, jare chemaenduata peré. Che ko peYa Tumpa.”
Israel iñemuña reta ñogüɨnoe Sinaí güi11Mokoía año pe, mokoía yasɨ veinte araa pe, amapɨtu oyemboɨvate tupao guakapi pegua iárambo güi.
12Jayave Israel iñemuña reta ñogüɨnoe ñuu Sinaí güi, oyoaɨkue yoaɨkue reve kavi; jare amapɨtu ojo opɨta ñuu Parán pe.
13Ñogüɨnoe yandeYa oporookuai Moisés
31Jare Moisés jei chupe:
—Agüɨye orereeya, nde reikuaa kavi kuae ɨvɨ, kia pe yandepuere yayembojeyupa vaerä; nde ndepuere oremborɨ.
32Reo orerupíe yave ore romeeta vi reyekou, yandeYa oremboyekou yave.
33Jökorai opa yogüɨraja yandeYa iɨvɨtɨ güi, oguata reta mboapɨ ara; jare käjou morogüɨrökuavee päve pegua yandeYa imbae, ojo jae reta ndive jókuae mboapɨ ara rupi, güɨraja jókuae oputuu retata vae kotɨ.
34Ara pe yandeYa iamapɨtu ojo jae reta iárambo, jeyupa güi ñogüɨnoe güive.
35Käjou oyemboɨpɨ oyereroata yave, Moisés jei körai:
“¡Epüa cheYa!
¡Topa toñemoai moai nderovaicho reta!
¡Totekuarai ndegüi nemotareɨ vae reta!”
36Ërei käjou opɨta yave, Moisés jei körai:
“¡Eyu ye añave cheYa, jeta yae vae Israel iñemuña reta kotɨ!”
Who We AreWhat We EelieveWhat We Do
2025 by iamachristian.org,Inc All rights reserved.
