1Jare aecha ogüeyɨ ara güi araɨgua imbaepuere yae vae oñeova amapɨtu pe jare iñäka re yɨɨ, jova jembipeasɨ kuaraɨ rami jare itɨma reta tata jɨsɨ vae rami.
2Jare güɨnoi ipo pe metei tembikuatía michi vae oyepea oï vae. Jare oñono ipɨ iyakatu ɨguasu re jare ipɨ iyasu ɨvɨ re.
3Jayave täta osapúkai metei yaguapope oñee rami. Jare osapúkai yave, jɨapu ara chiu vese.
4Jare chiu vese jɨapu ara güire, che aikuatiata tëi, ërei aendu ñee ara güi jei cheve: “Agüɨye emombeu kia pe jókuae chiu ara jɨapu vae jei vae. Agüɨye eikuatía.”
5Jare jókuae araɨgua aecha güɨnoi ipɨ ɨguasu re vae jare ɨvɨ re vae oupi ipo ara kotɨ,
6jare jei jekuaekuae avei rupi oiko vae jee re; oyapo ara jare opaete ipo reta vae; ɨvɨ jare opaete ipo reta vae, ɨguasu jare opaete ipo reta vae, jei: “Opa ma ara,
7echa araɨgua chiúa omboɨpɨ ma omoñee mimbɨguasu yave, opata oyembopo Tumpa iyemongeta yaikuaa rapembae vae, jae oikuaauka jembiokuai iñeemombeúa reta rupi vae.”
8Jare aendu ye ñee ara güi jei cheve: “Ekua jare eipɨɨ tembikuatía michi vae oyepea vae araɨgua güɨnoi ipɨ ɨguasu re jare ɨvɨ re vae ipo pe vae.”
9Jayave aja araɨgua kotɨ jare jae chupe omee vaerä cheve jókuae tembikuatía michi vae. Jare jei cheve: “Eipɨɨ jare opa jeu, jare omboirota nderɨe, ërei ndeyuru pe jëeta ei rami.”
10Jayave aipɨɨ jókuae tembikuatía michi vae araɨgua ipo güi jare opa jau. Jare cheyuru pe jëe yae ei rami, ërei jau ma yave, cherɨe omboiro.Ez 2.8—3.3.
11Jayave araɨgua jei cheve: “Remoërakua ñotai ko Tumpa iñee jeta vae tëta reta pe, tëtaguasu reta pe, ñee ambuae mbuae reta pe jare mburuvicha guasu reta pe.”
Who We AreWhat We EelieveWhat We Do
2025 by iamachristian.org,Inc All rights reserved.
