1Ɨguasu iyɨ́vɨri ñuu oï vae maratuta vae regua:
Kusumirou Neguev kotɨ güi ou vae rami,
jökorai ou ñuu kotɨ güi
ɨvɨ yavaete vae kotɨ güi.
2Yavaete ko, Tumpa oechauka cheve vae:
Omaepɨ̈ro vae, omaepɨ̈ro;
oporomboai vae, ombaemboai.
¡Pepüa, ɨvɨ Elam pegua reta!
¡Peporepeña, Media pegua reta!
¡Jäse vae reta amokïrii ma!
3Jáeramo, cherete orɨrɨi akɨɨye güi,
ayandu chepɨa pe jasɨ,
kuña imembɨrasɨ oï vae oiporara rami,
jókuae mbaetɨ omaeño aendu,
kɨɨye mbaetɨ omaeño aecha.
4Chepɨa jopa apɨta,
arɨrɨi akɨɨye güi.
Pɨ̈tu amomora yae yepi vae,
añave, chemongɨɨye.
5Mesa oñono reta ma, jendarä oipɨso reta ma asoya,
okaru reta, okau reta.
¡Peyemboɨ, mburuvicha reta, peyapo kavi peyeopiaka reta!
6Echa yandeYa jei cheve:
“Eñono omae vae, omombeu vaerä opaete mbae oechagüe.
7Oecha yave kavayu reta omoata käretou vae,
ani kuimbae opo oyoapɨ mburika re ani camello re vae reta yave,
tomae kavi jese.”
8Jare jókuae omae vae osapúkai täta:
“CheYa, kuae aïa mbaetɨ etei ko aeya ara pe,
pɨ̈tu ñavo ko amae ngatu avei aï.
9Aecha yogüeru kuimbae reta kavayu reta re opo oyoapɨ vae reta.”
Jare jei reta:
“¡Babilonia opa oyemboai, Babilonia opa oyemboai!
Jare opaete itumpa-raanga reta
opa oyeka oa ɨvɨ re.”
10Tëta chembae, trigo oyembopiriri jare oyembovevegüe rami vae,
amombeu ndeve aendu yandeYa Imbaepuere yae ete vae güi vae,
jae ko Israel iTumpa.
Ɨvɨ Edom maratuta vae regua11Ɨvɨ Edom maratuta vae regua:
Seir kotɨ güi osapúkai cheve jei:
“Omae vae, ¿mbae ora ma pa kuae pɨ̈tu?”
12Jare che jae:
“Köeta ma, jare pɨ̈tu yeta vi.
Pekɨ̈reɨ peparandu yave, peparandu;
pekua peyu ye.”
Arabia maratuta vae regua13Arabia maratuta vae regua:
Ñuu pe pepɨta pɨ̈tu yave vae reta, Dedán pegua, oguatagüe reta,
14peë peövaiti iɨuve vae,
peraja ɨ chupe.
Tëta Tema pegua reta,
peë peövaiti tembíu pe, otekuaraigüe reta.
15Echa jae reta otekuarai ko kɨsepuku güi,
kɨsepuku jaimbe vae güi,
uvɨ güi,
ñeraro ikavimbae güi.
16YandeYa jei cheve:
“Kuae güi metei añoa pe,
jókuae ara ñavo oyemboepɨ iparavɨkɨ chupe vae
oipapa ara reta rami,
opata okañɨtei ɨvɨ Cedar imboetea yae yepi vae.
17Jare mbovɨ yaeta jembɨre Cedar pegua, uvɨ regua jëia yae vae reta.”
Echa yandeYa Imbaepuere yae ete vae, Israel iTumpa ko jei jökorai.
Who We AreWhat We EelieveWhat We Do
2025 by iamachristian.org,Inc All rights reserved.
