ISAÍAS 22 - Guarani Bible with DC

Jerusalén maratuta vae regua

1Tëta guasu ɨvɨtɨ päu ipe kavi vae reta ipäu pegua maratuta vae regua:

¿Maera pa opaete vae oyeupi o iárambo?

2Tëta guasu oyembokepegua jare jäsémbai pɨpe vae,

tëta guasu oyerovia katu vae;

kuae tëta guasu pe omanogüe reta, mbaetɨ ko omano kɨsepuku pe,

mbaetɨ vi ko omano reta ñeraro pe;

3nderuvicha reta opaete reve otekuarai tëi uvɨ güi,

ërei opa oyepɨɨuka reta;

opaete vae otekuarai reta tëi mombɨrɨ,

ërei opa oyepɨɨuka reta.

4Jáeramo jae: Pemaeño tayaeo chepɨatɨtɨ yae reve,

agüɨye peyemoambeko chembopɨakatu vaerä,

kuae cherëta oyemboai vae güi.

5Echa yandeYa Imbaepuere yae ete vae

oñono ma ou vaerä ara yavaetegüe,

kañɨtei pegua jare mbɨatɨtɨ pegua

tëta guasu ɨvɨtɨ päu ipe kavi vae reta ipäu pegua pe.

Opa oyemboai tëta guasu ikësea;

ojoi oyeendu jäse reta vae ɨvɨtɨ re.

6Elam pegua reta oyapo kavi ma juvɨrɨru,

ñogüɨnoi ma ikavayu re jare ikäretou ñeraro pegua pe;

jare Kir pegua reta güɨnoe ma iyeopiaka.

7Ndeɨvɨtɨ päu ipöra ipe kavi vae tɨnɨe oï käretou ñeraro pegua pe,

jare kavayu regua reta oyembojeyupa ma tëta guasu jöke pe.

8Judá iyeroviaka ñamɨri jókuae ara.

Jókuae ara pe reta pemae O Kaa

12Jáeramo, kuae ara yandeYa Imbaepuere yae ete vae,

oparea peve reta peyaeo vaerä jare pepɨatɨtɨ vaerä,

oparea peve reta peñeapi vaerä

jare pemonde reta vaerä temimonde mbɨatɨtɨ pegua.

13Ërei pe reta peyerovia jare peapirai,

peyuka guaka jare vecha,

peu soo jare vino.

Jare pere: “Yakaru jare yakau,

echa pɨareve ñamanota.”

14YandeYa Imbaepuere yae ete vae oyekuaa cheve,

jare jei cheve:

“Mbaetɨta cheɨ̈ro peve kuae mbaeyoa re;

opa pemano regua.”

Jae ko yandeYa Imbaepuere yae ete vae iñee.

Eliaquim oguapɨ Sebna jekovia pe

15YandeYa Imbaepuere yae ete vae jei cheve: “Ekua, emae Sebna

23Jae oïta iñemuña reta omboeteuka vaerä.

Añonota täta metei clavo täta oyekutu oï rami.

24Jese oyembosagüɨuta iñemuña reta, opaete mbaembae ikavigüe rami,

oipotagüe tasa,

tasa michi vae güive tasa tuicha vae rami.

25Jókuae ara,

okuéta jókuae clavo täta oyekutu oï tëi rami vae;

oyeekɨta jare oata,

opaete mbaembae oyembosagüɨu rami oï jese vae oata jare opata oyeka.’ ”

Jei yandeYa Imbaepuere yae ete vae.