1 CRÓNICAS 27 - Guarani Bible with DC

Ïru mburuvicha David imborɨa reta

1Kuae jae Israel iñemuña itenondegua reta, tëtara ñavo vae, jeta vae reta itenondegua, jare sundaro reta itenondegua, jare mburuvicha reta oyeokuai mburuvicha guasu pe vae, oyemboyao yao kavi oike jare oë oyeokuai vaerä yasɨ ñavo opaete año rupi. Yemboyao ñavo pe ñogüɨnoi veinticuatro mil kuimbae.

2Tenondegua ete yemboyao oporoäro reta vaerä yasɨ tenondegua pe vae itenondegua jae Jasobeam, Zabdiel taɨ; opaete reve veinticuatro mil kuimbae.

3Jasobeam jae Fares iñemuña pegua jare jeta vae reta itenondegua juvicha oyeokuai tenondegua yasɨ pe vae.

4Yemboyao oporoäro reta vaerä yasɨ mokoía pe vae reta itenondegua jae Dodai, Ahot iñemuña pegua. Miclot jae imborɨa. Opaete reve veinticuatro mil kuimbae.

5Yemboyao oporoäro reta vaerä yasɨ mboapɨa pe vae reta itenondegua jae Benaía, sacerdote tenondegua Joiada taɨ. Opaete reve veinticuatro mil kuimbae.

6Benaía jae ko metei treinta jëia vae reta ipɨte pe, jae vi tenondegua. Ërei taɨ Amisabad oyókuai kuae yemboyao.

7Yemboyao oporoäro reta vaerä yasɨ irundɨa pe vae reta itenondegua jae Asael, Joab tɨvɨ. Jekovia pe opɨta taɨ Zebadías. Opaete reve veinticuatro mil kuimbae.

8Yemboyao oporoäro reta vaerä yasɨ pandepoa pe vae reta itenondegua jae Samhut izraíta. Opaete reve veinticuatro mil kuimbae.

9Yemboyao oporoäro reta vaerä yasɨ ovaa pe vae reta itenondegua jae Ira, Iques taɨ, jae ko tëta Tecoa pegua. Opaete reve veinticuatro mil kuimbae.

10Yemboyao oporoäro reta vaerä yasɨ chiúa pe vae reta itenondegua jae Heles pelonita, Efraín iñemuña pegua. Opaete reve veinticuatro mil kuimbae.

11Yemboyao oporoäro reta vaerä yasɨ juría pe vae reta itenondegua jae Sibecai, Husa pegua, Zera iñemuña. Opaete reve veinticuatro mil kuimbae.

12Yemboyao oporoäro reta vaerä yasɨ chaúa pe vae reta itenondegua jae Abiezer, Anatot pegua, Benjamín iñemuña. Opaete reve veinticuatro mil kuimbae.

13Yemboyao oporoäro reta vaerä yasɨ payandepoa pe vae reta itenondegua jae Maharai, Netofaɨgua, Zera iñemuña. Opaete reve veinticuatro mil kuimbae.

14Yemboyao oporoäro reta vaerä yasɨ oncea pe vae reta itenondegua jae Benaía, Piratón-ɨgua, Efraín iñemuña. Opaete reve veinticuatro mil kuimbae.

15Yemboyao oporoäro reta vaerä yasɨ docea pe vae reta itenondegua jae Heldai, Netofaɨgua, Otoniel iñemuña. Opaete reve veinticuatro mil kuimbae.

16Mburuvicha reta metei ñemuña ñavo Israel pe vae jae kuae: Rubén iñemuña reta juvicha jae Eliezer, Zicri taɨ; Simeón iñemuña reta juvicha jae Sefatías, Maaca taɨ;

17Leví iñemuña reta juvicha jae Hasabías, Kemuel taɨ; Aarón iñemuña reta juvicha jae Sadoc;

18Judá iñemuña reta juvicha jae Eliú, David tɨkeɨ; Isacar iñemuña reta juvicha jae Omri, Micael taɨ;

19Zabulón iñemuña reta juvicha jae Ismaías, Abdías taɨ; Neftalí iñemuña reta juvicha jae Jerimot, Azriel taɨ;

20Efraín iñemuña reta juvicha jae Oseas, Azazías taɨ; Manasés iñemuña reta oyemboyaogüe jae Joel, Pedaías taɨ;

21ïru Manasés iñemuña reta oyemboyaogüe ñogüɨnoi Galaad pe vae reta juvicha jae Iddo, Zacarías taɨ; Benjamín iñemuña reta juvicha jae Jaasiel, Abner taɨ;

22Dan iñemuña reta juvicha jae Azareel, Jeroham taɨ. Jae kuae reta tëtara Israel pe vae juvicha reta.

23David mbaetɨ oipapa veinte año güi ɨ́vɨkotɨ güɨnoi vae, echa yandeYa güɨrökuavee ombojeta vaerä Israel iñemuña reta yasɨtata rami.Gn 15.5; 22.17; 26.4.

24Joab, Sarvia imembɨraɨe omboɨpɨ oipapa, ërei mbaetɨ opa oipapa, echa kuae re yandeYa iyarasɨ Israel kotɨ.2 S 24.1-15; 1 Cr 21.1-14. Jáeramo mbaetɨ oyekuaa mbovɨ vae tembikuatía pe, mburuvicha guasu David imbae pe.

25Azmavet, Adiel taɨ oyangareko mburuvicha guasu imbaembae jepɨ vae oñeñovatúa re, jare Jonatán, Uzías taɨ oyangareko mbaagüɨye reta oyemboɨru ko rupi vae re, tëta guasu reta rupi vae re, tëta raɨ reta rupi vae re jare ɨvɨ jembeɨ re oyangareko vae reta ñogüɨnoia rupi vae re.

26Kó pegua mbaravɨkɨ oyapo vae reta itenondegua jae Ezri, Quelub taɨ.

27Uvarupa reta pe oparavɨkɨ vae reta itenondegua jae Simei, Ramat-ɨgua; jare uva tɨɨgüe oyemboɨru vaerä oyereraja vae itenondegua jae Zabdi, Sefam pegua.

28Olivorupa jare ɨvarupa iyangarekoa reta itenondegua jae Baal-hanán, Gederaɨgua, jare asaite oñeñovatúa iyangarekoa reta itenondegua jae Joás.

29Mɨmba reta re oyangareko Sarón pe vae reta itenondegua jae Sitrai, jae ko Sarón pegua aeño; jare mɨmba omongaru ɨvɨtɨ päu ipe kavi rupi vae reta itenondegua jae Safat, Adlai taɨ.

30Camello reta iyangarekoa reta itenondegua jae Obil, Ismael iñemuña; mburika reta iyangarekoa reta itenondegua jae Jehedías Meronot-ɨgua;

31jare vecha reta iyangarekoa reta itenondegua jae Jaziz Agar imembɨraɨe iñemuñagüe. Opaete kuae reta jae mburuvicha guasu imbaeyekou iyangarekoa reta.

32Jonatán, David itutɨ jae ko kuimbae yarakuaa katu jare oyemboe vae, jae oporomboarakuaa vae; jare Jehiel, Hacmoni taɨ, jae omborɨ mburuvicha guasu taɨ reta.

33Ahitofel jae vi omboarakuaa mburuvicha guasu vae, jare Husai arquita, jae ko kuimbae mburuvicha guasu güɨrovia katu vae.

34Ahitofel jekovia pe oï Joiada, Benaía taɨ, jare Abiatar. Jare Joab jae sundaro reta itenondegua ete.