DEUTERONOMIO 22 - Guarani Bible with DC

1Peväe yave perapicha igüeye ani ivecha okañɨgüe, agüɨye peikuaku chugüi, peraja ye perapicha pe.

2Ërei mɨmba peväegüe iya perëta-ɨpɨ peguaä ko yave ani peikuaambae ko yave, peraja perëta pe jare penoi joko pe iya oeka regua, javoi pemee ye chupe.

3Jökoraiño vi peyapo mburika ndive jare temimonde ndive, opaete perapicha omokañɨgüe peväe yave agüɨye peikuaku.

4Perapicha imburika ani igüeye peecha ogüɨapi tape rupi chugüi yave, agüɨye peasa chugüi, pemborɨ pemopüa.

5Agüɨye kuña tomonde kuimbae jemimonde, ani kuimbae ave agüɨye tomonde kuña jemimonde, echa pɨ̈chɨi yae ko yandeYa Tumpa pe jókuae nunga oyapo vae.

6Kia nunga vae oväe yave tape rupi güɨra jaitɨ ɨvɨra re ani ɨvɨ pe, ichɨ güɨroa güɨnoi güɨra raɨ ani jupía vae, agüɨye togüeru ichɨ ndive;

7tomaeño tojo ichɨ, jaeño togüeru güɨra raɨ. Jökorai peiko kavi vaerä jare peiko puku vaerä.

8Pemopüa yave o ipɨau vae, iyapɨte ipe vae jembeɨ rupi peyapo vi ikësea reve; jökorai agüɨye vaerä penoi teko kia oa yave o iárambo güi.

9Agüɨye peñotɨ peuvarupa pe oipotagüe temitɨ, agüɨye vaerä oikomegua jare opa okañɨtei pegüi temitɨ peñotɨgüe jare uva iagüe peipoota tëi vae.

10Agüɨye güeye pemboyoayu mburika ndive peara vaerä.

11Agüɨye peyemonde temimonde ipɨa vecharaagüe oyea lino ndive vae pe.

12Peñono ñeapevaka iekina ñavo re jopea, peñeapeva pɨpe vae.Kuña jaekavi oñeväe vae regua

13Metei kuimbae omenda yave kuña ndive, jare oasa ma jae ndive güire güɨröɨro omae jese yave,

14jare omboeko ikavimbae pe, jei reve: ‘Che amenda kuae kuña ndive, jare aroke yave aväe chupe kuimbae ndive oasagüe yepe’,

15jayave kuñatai tu jare ichɨ togüɨnoe toechauka kuñatai jemimondegüe, tëta pegua tenondegua reta pe,

16jare kuñatai tu tei tenondegua reta pe: ‘Che amee cherayɨ kuae kuimbae jembirekorä, jare jae añave güɨröɨro

17jare omboeko cherayɨ ikavimbae pe jei reve: Nderayɨ aväe oasa kuimbae ndivegüe ma. Ërei añeteä ko, ko oï kuñatai jemimondegüe.’ Javoi jókuae kuñatai tu toipɨso temimonde, tenondegua reta jóvai.

18Jayave tëta pegua tenondegua reta toipɨɨ jókuae kuimbae jare toinupa.

19Jare tokovara chupe cien reare korepoti pegua, jare kuae tomee kuñatai tu pe, echa omoërakua pɨ̈chɨi kuñatai omendambae Israel iñemuña pegua, togüɨreko jare agüɨye tomombo opaete ara oikove oiko ramboeve.

20Ërei añetete ko kuñatai oasa ma kuimbae ndive yave,

21penoe tu jöke pe, jare kuimbae tëta pegua reta toyapi ita pe toyuka, teko ikavimbae oyapo Israel iñemuña reta pe ipɨte pe jeko pegua, jare tu jo mbaetɨ omboete jeko pegua. Jökorai peekɨ ikavimbae pepɨte güi.

22Kia nunga vae oyepokou oyapakua oï metei kuña omenda vae ndive yave, tomano mókoi reve, kuimbae jare kuña. Jökorai peekɨ ikavimbae Israel iñemuña reta ipɨte güi.

23Metei kuñatai ndeiño oasa kuimbae ndive vae, ërei oime imenda ïrurä vae; jare kia nunga vae oväe tëta guasu pe chupe jare opoko jese yave,

24mókoi reve penoe tëta guasu jöke pe, jare peyapi ita pe peyuka;

30Agüɨye metei ave topoko tu jembireko re, echa jókuae oyapo vae omboeteä ko tu.