1Roboam oecha oï kavi yae ma iporookuaía pe yave, oeya Tumpa iporookuai reta opaete Israel iñemuña reta ndive.
2Jare oyembopɨapochɨ reta yandeYa kotɨ ramo, pandepoa año ma Roboam oiko mburuvicha guasurä yave, Sisac mburuvicha guasu Egipto pegua oporepeña Jerusalén re,
3mil dosciento käretou ñeraro pegua ndive, jare sesenta mil kuimbae kavayu regua jare jeta yogüeru jae ndive Egipto güi, Libiaɨgua reta, suquieno reta jare Etiopíaɨgua reta.
4Jare opɨ̈ro tëta guasu reta jëguambae Judá pegua, ou oväe regua Jerusalén pe.
5Jayave ñeemombeúa Semaías ou Roboam pɨri jare mburuvicha reta Judá pegua pɨri, oyemboatɨ ñogüɨnoi Jerusalén pe Sisac jeko pegua vae reta, jare jei chupe reta:
—Körai jei yandeYa: “Pe reta chereeya, che vi poeya Sisac ipo pe.”
6Jare mburuvicha reta Israel pegua mburuvicha guasu ndive oñemomichi reve jei reta:
—¡YandeYa ko jupi vae!
7Jare yandeYa oecha oñemomichi reta yave, jei Semaías pe: “Oñemomichi yae reta jeko pegua, mbaetɨta amboai reta, aepɨ retata Sisac ipo güi jare ngaraa aitɨ chearasɨ Jerusalén re.
8Ërei yogüɨreko retata jembiokuai retarä, oikuaa reta vaerä oyoavɨ ko oyeokuai cheve vae ïru tëtaguasu reta pegua mburuvicha guasu reta pe oyeokuai vae güi.”
9Sisac mburuvicha guasu Egipto pegua oike Jerusalén pe jare opa opɨ̈ro yandeYa jo pe mbaembae jepɨ vae oñeñovatu vae jare mburuvicha guasu jo pe mbaembae jepɨ vae oñeñovatu vae opaetei güɨnoe; opaetei güɨraja mbaembae, opaetei vi güɨraja yeopiaka reta oro pegua Salomón oyapogüe. oguapɨ jekovia pe mburuvicha guasurä.
Who We AreWhat We EelieveWhat We Do
2025 by iamachristian.org,Inc All rights reserved.
