JEREMÍAS 3 - Guarani Bible with DC

Israel oyapo jupimbae yandeYa jóvai

1YandeYa jei:

“Metei kuimbae omombo yave jembireko,

javoi jókuae kuña ojo omenda ïru kuimbae ndive yave,

tenondegua ime ngaraa ma güɨreko ye.

¡Jókuae nunga, ikavimbae yae ko

kuae tëtaguasu peguarä!

Ërei ngatu nde, Israel,

jeta yae ko ndeaguasa,

ërei ¡añave peyerova ye chekotɨ!

Che ndeYa jae kuae.

2Emae ɨvɨtɨ reta iyapɨte re:

¿Kia nunga re ra mbaetɨ reyapo aguasa?

Tape jembeɨ pe reguapɨse reäro reta,

Arabiaɨgua reta oporoäro ñuu pe rami,

remongɨa tëtaguasu ndeaguasa pota vae rupi,

jare ikavimbae reyapo vae rupi.

3Kuae jeko pegua mbaetɨ okɨ,

jare ama taɨkuegua iara pe ave.

Ndeaguasa pota vaeño rembotenonde;

¡mbaetɨ nemara!

4¿Rereä pa añave cheve:

‘CheRu, chetaɨrusu güɨroata vae,

5ndearasɨ aveita pa reiko?

¿Ndearasɨta pa jekuae ave rupi?’

Körai rere tëi cheve reve,

reyapo jeta mbae ikavimbae.”

YandeYa omboarakuaa Israel jare Judá oeya vaerä jeko ikavimbae

6JosíasIsrael itumpa-raanga pota

19Israel, che ko aipota reiko cheraɨrä,

jare amee ndeve ɨvɨ ipotaa yae vae,

tëtaguasu reta iɨvɨ ikavi yae vae.

Ayemongeta ko rere vaerä cheve cheRu,

jare mbaetɨ yeta resɨrɨ chegüi.

20Ërei metei kuña jeko kavimbae oeya ime rami,

jökorai mbaetɨ ndereko ikavi cheve.

Che peYa, jae.

21Oyeendu sapúkai ɨvɨtɨ re.

¡Jae ko Israel iñemuña reta,

oyaeo reta oiporu mboroparareko!

Opia reta tape sɨmbi vae güi,

jare iñakañɨ reta, che iYa iTumpa güi.

22Peyerova ye chekotɨ, cheraɨ ipɨapochɨ vae reta,

jare che popoanota pepɨapochɨ güi.”

Israel pegua reta omboyevɨ yandeYa pe

“Ko royu ndekotɨ,

echa nde jae ko oreYa Tumpa.

23Mbaetɨ etei mbaerä osirive oreve

rosapúkai ɨvɨtɨ re vae;

jaeño nde oreYa Tumpa re roväe yemborɨ.

24Oretumpa-raanga pota vae,

opa omokañɨteiuka oreñemuñagüe reta

oväe orendei yave güive vae;

jae ko: Vecha reta, guaka reta,

taɨ reta jare tayɨ reta.

25Oreropa jare oremara yae,

echa orendei güive añave regua,

ore jare oreñemuñagüe reta

oreyoa nde oreYa Tumpa kotɨ,

jare mbaetɨ royapo nde rere vae.”