1Javoi amae opaete tekorai oyeapo kuae ɨvɨ pe vae re. Aecha oyaeo yogüɨrekoasɨ katu vae reta, jare mbaetɨ kia ombopɨakatu reta vaerä. Echa oporogüɨrekoasɨ katu vae reta güɨnoi mbaepuere jese reta.
2Jáeramo, chevegua ikavi yae ñogüɨnoi opaete omano ma vae reta, jókuae oikoveño ñogüɨnoi vae reta güi;
3ërei kuae mókoi reta güi, ikavi yae ete oï vae, jae ko ndeiño oa vae, echa mbaetɨño oecha ikavimbae kuae ɨvɨ pe oyeapo vae.
4Jökoraiño vi aecha opaete mbaravɨkɨ ikavi yae oyeapo vae rupi ou ñemoägüɨro. Jökorai vi kuaekuae mbaeä etei ko, yayemoambekoiño ma ko jese.
5Yarakuaambae, mbaetɨ mbae oipota oyapo, jökorai jaeiño oñemokañɨtei.
6Mbovɨño mbae ñanoi vae ko jaekaviño, jeta mbae ñanoi reve yaputuumbae etei jare yayemoambeko yae vae güi.
7Ayerova ye ïru kotɨ amae yave, jekuae aecha ye opaete mbae, mbaeä etei ko kuae ɨvɨ pe vae:
8Metei kuimbae oï jaeño, mbaetɨ jekovia, mbaetɨ taɨ, mbaetɨ tɨkeɨ ani tɨvɨ yepe, ërei opoiä etei iparavɨkɨ güi, ipɨa jenda peä etei opaete mbaeyekou güɨnoi vae re; mbaetɨ oparandu iyeupe: “¿Kia peguarä ra aparavɨkɨ mbatee? ¿Maera ra mbaetɨ aputuu jare ayemboyerovia?” Opaete kuaekuae mbaeä etei vi ko, mbaravɨkɨ ipoɨgüe yae ko.
Ñomoïru mbaepuere ko9Mókoi vae, ikavi yae ko jaeño vae güi, echa jókuae reta oyekou kavita iparavɨkɨagüe re.
10Echa jókuae mókoi vae güi metei ogüɨapi yave, ïru omopüa yeta. ¡Ërei jaeño oiko vae ogüɨapi yave, mbaetɨta kia omopüa ye!
11Jaeramiño vi mókoi vae oyopoe oke yave, oyomboaku katu; ërei jaeño vae, ¿këraita pa oyemboaku katu?
12Jaeño vae, ipuere ko ñamɨri kia oporepeña jese yave, ërei mókoi ñogüɨnoi yave, ngaraa ñamɨri reta. Jökorai vi tɨmasa mboapɨ yoɨvɨ vae, ngaraa oso jarembae.
Arakuaa mbaetɨ oï okuakuaa vae reño13Taɨrusu vae paravete tëi reve yarakuaa vae, ikavi yae ko mburuvicha guasu indechi vae, ërei mbaetɨ yarakuaa vae güi, echa kuae mbaetɨ ma oipota oendu yemboarakuaa.
14Echa yepe tëi kuae taɨrusu vae oë tembipɨɨrɨru güi oï vaerä mburuvicha guasurä; yepe tëi paravete reve omboɨpɨ oï mburuvicha guasurä,
15jeseve, aecha opaete vae kuae ɨvɨ pegua oyeko jese, jókuae mburuvicha guasu jekoviarä oïta vae.
16Yepe tëi jeta yeyé vae juvicha guasurä oikota, ërei ngatu jae reta jare iñemuña reta ave ngaraa yeño ipɨakatu opɨta ikotɨ. Jökorai vi kuaekuae mbaeä etei ko, yayemoambekoiño ma ko jese.
Who We AreWhat We EelieveWhat We Do
2025 by iamachristian.org,Inc All rights reserved.
